Curiáciu Maternu

Curiáciu Maternu (en latín Curiatius Maternus), hablaol i trahediógrafu romanu.

Via

Ná tocanti a la via desti autol se sabi. Apeninas conocemus su nombri i obras pol mentalu Tácitu nunu los sus librus. Vivió pal sigru I ed. C. i possibrimenti huera pressiguiu pol Domicianu pol mó el guarreu que dél hazia enas sus obras, de sel el mesmu Maternu que mienta Dión Cássiu, un tal sofista que hue condenau pola su libertá parabra.

Obra

Hue unu los puetas el neocrassicismu. Tácitu asseñala que recitó en púbricu la su obra Catón, trahédia al tentu Catón d’Útica, pal 74 u 75. El total d’obras conocias namás de títulu son:

• Cato.
• Thyestes.
• Domitius.
• Medea.