Delta

Dendi Güiquipeya
Delta el riu Nilu, vistu endi un satéliti artificial. Afotu cortesia e NASA.

Se llama delta al territóriu triangulal assitiau ena desenbocaura dun riu, hormau meyanti sedimentus que s'encuentran a miia que la corrienti el riu va espareciendu. Está compuestu por braçus o "cañus" fluvialis que separan a las islas enas que s´án veniu positandu los sedimentus llevaus por essi riu, al llegal a la mari, océanu o lagu. Los pósitus los deltas los rius mas grandis se caraiterizan pol hechu de qu´el riu se devii en várius braçus que se van deseparandu i golviendu a arrejuntal-se pa hormal un conjuntu de canalis ativus i inativus.

El delta mas famosu es el que horma riu Nilu, i es dondi procei el nombri con el que se llama a esta crassi de desenbocaura. Nilu tien una desenbocaura caraterística, de horma marcámenti triangulal, que se paji albondu a la horma la letra griega "Delta" (Δ), motivu pol qual el estoriaol Eródotu le llamó assina.

La hormacion las islas[Edital | Editá'l códigu]

Entre las crecias, los rius portean arena, grava i lou que, una vezi sedimentaus, dan el origin a los deltas.

  1. Erosion: el riu naci en montañas o colinas. En estas zonas elevás, el áugua fruyi i baja con huerça polas rocas.
  2. Trasporti: nel su cursu meyu, el riu avança lentamenti i portea los sedimentus rocosus. A vezis se horman meandrus, generalmenti enas zonas de chanura prévias a los deltas.
  3. Sedimentacion: los sedimentus s´assítian nel hondón el riu hormandu un montículu enas desenbocauras los rius. Alogu, los rius fruyin sobri ellus, diendu lugal a los rius destributárius.

Nacéncia dun delta[Edital | Editá'l códigu]

Esti delta se á hormau ena costa suloesti e Groenalndia, cerca e Narsarsuaq.

El delta se horma pol el pósitu, nun espaciu que sueli tenel horma triangulal, el material arrastrau polos rius al proucilsi una disminución brusca e la velociá el fluhu, que puei sel causá pola su desembocaura ena mari, nun lagu, en otru riu con mayol anchón u enus océanus, inque estu úrtimu es menus frecuenti.

Los deltas i los estuarius costituyin las dos hormas prencipalis de desembocaura e los rius enas maris, océanus, lagus u en otrus rius mas grandis. La su presencia enas desembocauras está orihiná pola amplitú e las mareas. Cuandu las mareas son mu entensas, la desembocaura los rius enus océanus suelin sel el tipu estuariu, ya que duranti la pleamari se represan las auguas el riu, mentris que ena bahamari se prouci una gran aceleración de la velociá e las auguas, lo que impíi el pósitu e los seimentus que horman las islas nel chascu e los deltas. Es pol ellu que los deltas suelin proucilsi mas enus lagus, maris i hata en rius grandis, ondi las auguas nu sufrin la ación de las mareas cumu nel chascu e los océanus abiertus.

El delta e riu Ganges, ena India.

Sin embargu, desistin ececionis a esta regra, cumu nel chascu el Delta el Orinocu, en América el Sul, i el Níger, en África, que son lugaris ondi la ación de las mareas es abondu menus emportanti que enas latituis meyas.

En aquellus lugaris enus que la hormación el delta está dominau pol el riu i dependi menus de la ación de las mareas i las olas, se puei hormal un delta con horma polilobulal. El delta e riu Mississippi es un sabulugal d´esta crasi e hormacionis.

Arrozalis nel delta el Ebru

En algunus chascus mu pocu frecuentis, el delta s´alcuentra nun valli mu largu i se conoci cumu delta fluvial envertiu. A vezis, un riu se dividi en varias ramas nun área tierra adrentu, sólu pa golvel a arre3huntalsi i acontinal hata la mari. Estu sueli pasal en zonas enas que antiguamenti púu bel un lagu. El chascu mas emportanti d´esti tipu es el delta enteriol el riu Níger.

El material térreu que horma el delta es bastanti variau, puyendu estal hormau pol una mestura d´arcilla, limu i arena. Estus materialis puein sel muáus pola corrienti en hunción de la velociá d´ésta, i hazel un pósitu nel hondu la desembocaura u nu, sigún seya la mayol u menol entensiá e las mareas. El suelu los deltas es heneralmenti fértil, inque angunas vezis tiinin un nivel de sal argu elevau. Se horman enas desembocauras de rius pol el pósitu e materialis hata hormal la penetración de tierra ena mari. Tiinin horma triangulal. El sabulugal mas emportanti ena península Ibérica es el Delta el Ebru.

Deltas mas famosus[Edital | Editá'l códigu]

Angunus de los deltas mas famosus son los siguientis:

  • Delta el Amazonas
  • Delta el "La Camarga" (riu Ródano)
  • Delta el Colorau
  • Delta el Danubio
  • Delta el Ebru
  • Delta el Ganges
  • Delta el Indo
  • Delta el Lena
  • Delta el Mekong
  • Delta el Misisipi
  • Delta entelnu el Níger (tierra adrentu)
  • Delta el Níger
  • Delta el Nilu
  • Delta el Okavangu
  • Delta el Orinocu
  • Delta el Paraná
  • Valli e Riu Grandi
  • Delta el Rin
  • Delta el Sacramentu
  • Delta el Volga
  • Delta el Yangzi
  • Delta el Yukón