Ecuación

Dendi Güiquipeya

Una ecuación es una igualdá entri dos espresionis algebraicas, denominás biembrus, enas que apaecin valoris conocius o datus, i desconocius o encónitas, relacionaus meyanti operacionis matemáticas. Los valores conocius puein sel númerus, coeficientis o costantis; i tamien variablis cuya manitú s'aya estableciu comu resultau d'otras operacionis. Las encónitas, representás generalmenti por letras, constituin los valoris que se pretendi alcontral. Por ejemplu, ena ecuación:

3x-1 = 9+x

La letra x representa la encónita, mentris qu'el coeficienti 3 i los númerus 1 i 9 son costantis conocias. Resolvel una ecuación es alcontral los valoris de las encónitas que la satisfacin, i se huchea solución duna ecuación a cualesquiel valol de dichas variablis que cumpla la igualdá planteá. Pa el casu dadu, la solución es:

x = 5

Tolos probremas matemáticus puein espresal-si en holma duna o mas ecuacionis. Sin embalgu no tolas ecuacionis tienin solución, ya qu'es possibli que no dessista dengún valol de la encónita que haga cierta una igualdá dada. Tamien puei passal que dessistan varius o enclusu enfinitus conjuntus de valoris que la satisfagan.

Nel casu de que tó valol possibli de la encónita haga cumplil la igualdá, la espresion se llama identidá. Si en lugal duna igualdá se trata duna desigualdá entri dos espresionis matemáticas, se denominará inecuación. Una ecuación huncional es aquella ena que angunas de las constantis i variablis qu'entervienin no son realmenti númirus sinu huncionis; i si ena ecuación apaeci algún operadol deferencial se llama ecuación deferencial.