El Arroyo los Cagaos

El Arroyo los Cagaos es un grupu folclóricu estremeñu, oriundu Villanueva la Vera (Caçris).

Estória[Edital | Editá'l códigu]

El grupu lo hormó una balburda genti nueva la Vera, aficionaus al rock i al heavy, quienis se'eicavan a recopilal coplas popularis y tradicionalis la su tierra de conteniu escatológicu.^[1] El grupu ya hormau debutó nun conculsu jotas i rondeñas. Se definin comu un “grupu folclóricu endependienti”, ya que crein que los grupus de corus i danças son produtu el régimin Franciscu Francu, dende el cual se manipuló i desvertuó la música populal tradicional pol mé d'estituciones comu la Seción Femenina.^[2]

Estilu[Edital | Editá'l códigu]

La su música se encuaira ena tradición musical serrana la Vera, comarca del noresti de Caçris. Es, pol tantu, una música paecia albondu a la d'algotras zonas de la sierra de Greus, tantu huera comu dentru d'Estremaura.

Las letras son de tipu populal, tantu tradicionalis comu de nueva criación, i nellas predominan los temas mayoritárius del folclori estremeñu más puru: escatologia, erotismu, sessualiá o anticlericalismu.^[3]