El Brocensi

Dendi Güiquipeya
Francisco Sánchez de las Brozas
Enhormación pressonal
Nacencia 1523 Ver y modificar los datos en Wikidata
Brozas (España) Ver y modificar los datos en Wikidata
Muerti 1601 Ver y modificar los datos en Wikidata
Salamanca (España) Ver y modificar los datos en Wikidata
Nacionalidá Española
Educación
Educau en Nuversidá de Salamanca Ver y modificar los datos en Wikidata
Enhormación profissional
Oficiu Filólogo Ver y modificar los datos en Wikidata
Empreaol Nuversidá de Salamanca Ver y modificar los datos en Wikidata

Francisco Sánchez de Las Brozas, mas conociu cumu el Broncensi, hue unu los mas elustris sábius el sigru XVI en Uropa. Escrebió puesia, obras gramaticalis, retólicas, filosóficas, astronómicas, heográficas, filolóhicas i estuyus sobri autoris crásicus. Amás tuvió conocimientus en melecina, música i ornitolohia. La su mas emportanti aportación hue la Minerva, una gramática latina que se convirtió en muelu pal estuyaeru el latín en tol viehu continenti.


Via[Edital | Editá'l códigu]

Francisco Sánchez (Franciscu Sanchi) tuvió la su nacéncia ena localiá cacereña de Broças alreol el 1522 i murió en 1600. Los sus pairis, Francisco Núñez i Leonor Díez, eran ihusdalgus peru d’escasu capital. Pol mé los sus tius, el Broncensi alcibió educáncia, escomiençandu en Évora ondi estuyaria latín i umaniais p'acontinal dispués en Lisboa. Nesta ciá, estuvió al selvíciu de da. Catalina i d. Huan III i premaneceria ena corti hata la muerti la principessa nel 1545. Pol dessihéncia los sus tius, Franciscu aballó pa Salamanca ondi prosigui colos sus estuyus, esta vezi enconclusus, de Artis i Teolohia. Nesta epoca d’estuyanti se comboa cola su primel espossa, Ana Ruiz del Peso, cola que tuvió seis ihus. En 1554, aluspués de bel perdiu a la su espossa, se comboa con una parienti daquella, diendu al mundu otrus seis ihus. En pocus añus, El Brocensi esprimenta un ahinanti atollaeru económicu que precuró susanal impaltiendu crasis.

Otuvió la Cátedra Retólica hata 1573, tras una ententona pocu provechosa en 1554. En 1576 se hazi con el Saláriu de Griegu, peru enhamás consiguió la Cátedra Gramática de la que hue opositol en dos ocassionis.

En 1584, s’atopa cola Enquisición, anque nesta primel vezi es escurpau. La tremenda capaciá lóhica el umanista cacereñu (pa él, la mayol utoriá es la Razón) i su desconformismu cola utoriá prevocó que los censoris tuviessin cudiau de premitil la divurgación la su obra. Passá una décaa, aluspués de hubilalsi, en 1595 s'escomiença un nuevu prohessu enquesitóriu enterrumpiu pola su muerti: El Broncesi enfeneció el 5 Diciembri el 1600, ensotau en casa pol arrestu domiciliáriu requiriu pola Enquisición.

Obra[Edital | Editá'l códigu]

Cumu tó güen umanista, El Brocensi hue un escrebiol mu prolihu, que tocó muchas custionis, prencipalmenti filolóhicas. Pol temas, las prencipalis obras el umanista cacereñu son:

  • Gramáticas. Latinas son Veræ breuesque Grammatices Latinæ Institutiones, Arte para en breve saber latín i De Grammatice partibus libellus, amás de la soná Minerva siue De causis linguæ latinæ. Cuenta ansimesmu con una gramática griega.
  • Retólica. Son De arte dicendi i Organum dialecticum et rhetoricum.
  • Filosofia. Es sonau el pequeñu tratau De nonnullis Porphirii erroribus, ondi la Enquisición hucheó a Francisco Sánchez «autor muy insolente, atrevido, mordaz, como lo son todos los gramáticos y erasmistas».
  • Astronomia. Son Declaración y uso del reloj español i Sphæra Mundi.
  • Comentárius i eicionis filulóhicas. Sobresalin los sus estuyus i eicionis de Verhíliu, Oráciu, Pompóniu Mela, Pérsiu, Ovídiu i Ausóniu. Tamién comenta a autoris mas celcanus al su tiempu cumu Poliziano u Garcilaso de la Vega.
  • Obras dramáticas. Se sabi qu’escrebió tamién teatru, tantu en latín cumu en castellanu. Angunus títulus son Calíope, Auto de Hábeas Christi, Achilles inuentus.


La Minerva[Edital | Editá'l códigu]

Se trata duna gramática escrebia en latín, deviia en quatru librus. S’estrutura siguiendu un critériu lóhicu, pos hue el frutu e sometel a la razón (ratio) la conocéncia la luenga latina i nu al usiu (usus) de los autoris crásicus mas notabris.

Anque esta obra nu seya el escomiençu la torización la gramática i el postulau en prencípius, polque estuyosus gramáticus cumu Apolóniu Dísculu, Pricianu u Escalíheru ya tinian hechas gramáticas racionalis enantis, la Minerva supusu la piera angulal ondi esmiençal a sostribal el estuyaeru gramatical tóricu las luengas. Esta obra arcançó una enfruéncia enormi duranti mas de dos sigrus en toa Uropa i que chegaria hata el sigru XX colos henerativistas. Nu estanti, en España, el labutu Nebrija clissó l'obra el Brocensi que nu sedria mu valoreá a la escontra el restu d'Uropa.

La su prencipal inovación hue eno tocanti a los andaris que sigrus endispués estalacharia Saussure enas sus torias dicotómicas, estu es, eno tocanti a los andaris el usiu i la luenga. Pal Broncensi, lo emportanti es hallal la estrutura lóhica la luenga i desprical arrancandu daí el usiu endividual sigún los chascus. Tamién cobró albonda emportáncia enas sus páhinas gramaticalis el concetu d'elissi.

La Minerva tuvió dos eicionis, la primel de 1562 i una definitiva en 1587, andi se recadan datus tamién trataus enas Institutiones i enos Paradoxa. Ogañu, la eición crética mas cudiá es la laboreá pol miembrus la propia Univelsiá d’Estremaura.

Atihus[Edital | Editá'l códigu]