Emisfériu

Aseñalau el emisferiu boreal. La línia negra vertical es el Meriyanu e Greenwich.

Emisferiu son ca una e las metais en qu'un pranu que pasa pol el su centru devii una esfera. La parabra viini el griegu: hemi = meyu; sphera = esfera.

Ena Tierra, se consieran los emisferius a partil de la Línia el Ecuaol, inque en realiá nu es una esfera perfeta. Al norti, el llamau emisferiu boreal u emisferiu norti, i al sul el llamau emisferiu austral u emisferiu sul.

Al mesmu tiempu, a partil el Meriyanu e Greenwich (lonhitú 0°), se devii a la Tierra nun emisferiu oriental i un emisferiu ociental, inque realmenti ca unu e los meriyanus posibris partiria la Tierra en dos emisferius (nu solu el de Greenwich).

Los mesmus concetus s´aprican a la esfera celesti.