Enzima

Dendi Güiquipeya
Debuju l'enzima piruvatu quinasa.

Las enzimas [ẽn̟ˈðima] (del griegu ζύμηlúdia”) son biomoléculas que catalizan reacionis químicas. Quasique tolas enzimas son proteinas. En essas reacionis, las enzimas demuan unas moléculas, que se llaman sustratus, pa convertí-las en produtus. Quasique tolos processus celularis prejisan de las enzimas. Las reacionis que produzin las enzimas se llaman reacionis enzímicas.

Lo mesmu que tolos catalizaoris, las enzimas enhuncionan retrayendu la nirgía la activacion (ΔG‡) duna reacion, de mois que s’acelera abondu el tassaeru la reacion. Las enzimas no alterean el balanci nirgéticu las reacionis en que entrevienin, assinque no cambean el equilíbriu la reacion, pero consiguin aceleral el processu, mesmu, millonis de vezis. Una reacion que se produzi enbaju el mandu duna enzima o de qualisquiera catalizaol, atopa el equilíbriu muchu mas ligeru de lo que la correspondienti reacion sin catalizal.

Comu otrus catalizaoris, las enzimas no s’enjerin polas reacionis que catalizan, ni muan el su equilíbriu químicu. Sin embargu, las enzimas se desapartan de los otrus catalizaoris en que son mas específicus: las enzimas catalizan paí pa 4.000 reacionis bioquímicas destintas. Pero no tolos catalizaoris bioquímicus son proteinas, porque angunas moléculas de ARN son escapazis de catalizal reacionis.

Otras moléculas puein atacal l’activiá las enzimas: los inibioris enzímicus son moléculas que desminuin o enplastan l’activiá las enzimas, entri que los activaoris son moléculas que fomentan la activiá.

Angunas enzimas se gastan comu produtu ena síntesi antibióticus o pa limpieza. Tamien se gastan albondu en destintus processus endustrialis, talmenti la frabicacion alimentus, pantalonis vaquerus o la producion biocombustibris.

Atijus[Edital | Editá'l códigu]