Erodium mouretii

Erodium mouretii (?)
Otrus nombris:	{{{algotrasdenominacionis}}}
Estau de conservación
Crassificación científica
Reinu	Plantae
Filu	Magnoliophyta
Crassi	Magnoliopsida
Ordin	Geraniales
Familia	Geraniaceae
Géneru	Erodium
Especii	E. mouretii
Autol
(Pitard) L'Hér

Erodium mouretii es una espécii botánica yerbácia i perenni pretenecienti a la família las heraniácias. Se le consieraba un endemismu marroquín, hata el su descubrimientu a meyaus de los añus setenta del sigru passau enas sierras centralis de la província de Baajós (Estremaura). Pol mé la su escasa presséncia i a la dispelsión las sus puebracionis s'alcuentra protehia, ya que está catalogá cumu espécii vurnerabri.

Abitaeru

Esta espécii s'alcuentra pressenti en canchalis cuarcíticus comprendius entri los 400 i 800 metrus d'artitú, enraizandu en grandis grietas con albundosa matéria orgánica (mayoritariamenti d'orihin vehetal, inque enriqueziu con nitróhenu proceenti las cagás las avis qu'abitan enos própius canchalis).

Descrición

Pressenta un gran rizoma linificau i las sus enfrorescéncias tiinin de 5 a 10 froris, las cualis son ermafroitas i suzigomórficas.

Pranta de E. mouretii nuna grieta dun canchal cuarcíticu.

Destribución

Es una pranta caraiterística del norti d'África. Nu estanti, dessistin pequeñas i dispelsas puebracionis nel suroesti la península ibérica. Se postulan dos teorias pa exprical esti hechu, dambas dos basás nel caráitel zoocóricu la pranta:

• La más probabri es que los sus frutus llegaran cona emportación de ganau ovinu dendi Marruecus duranti la Guerra Cevil Española.
• La otra endica la posibiliá de qu'essus mesmus frutus hueran pegaus al prumahi de avis migratórias qu'abiten enos mesmus roqueus.

Atihus

• En Commons ai conteníu multimedia sobre Erodium mouretii.
• Güiquiespéciis tien un endirgui al tentu Erodium mouretii.