Estrofa asclepiadea

La estrofa asclepiadea es en crassi d’estrofa la que está compuesta pol una sérii de velsus asclepiadeus. Se trata duna estrofa lírica cautivá primeru polos griegus i alogu entroduzia en Roma polos poetas cultus comu Oráciu.

Crassis d’estrofas asclepiadeas

Asclepiadea A

La estrofa asclepiadea pura es la nombrá estrofa asclepiadea A que se compón de tres asclepideus i un glicónicu. El velsu glicónicu va sangrau. Velequí el su esquema:

×× ˉ ˘ ˘ ˉ ˉ ˘ ˘ ˉ ˘ ˉ

×× ˉ ˘ ˘ ˉ ˉ ˘ ˘ ˉ ˘ ˉ

×× ˉ ˘ ˘ ˉ ˉ ˘ ˘ ˉ ˘ ˉ

×× ˉ ˘ ˘ ˉ ˘ ˉ

Un ejempru de la literatura latina es esti d’Oráciu:

Scrībērīs Vărĭō fōrtĭs ĕt hōstĭŭm
uīctōr Mǣŏnĭī cārmĭnĭs ālĭtē,
quām rēm cūmquĕ fĕrōx nāuĭbŭs āut ĕquīs
  mīlēs tē dŭcĕ gēssĕrĭt.

Asclepiadea B

La estrofa asclepiadea B hue entroduzia ena literatura romana pol Oráciu i está compuesta pol dos dodecasílabus asclepiadeus, un ferecráciu i un glicónicu. Esti es el su esquema

×× ˉ ˘ ˘ ˉ ˉ ˘ ˘ ˉ ˘ ˉ

×× ˉ ˘ ˘ ˉ ˉ ˘ ˘ ˉ ˘ ˉ

×× ˉ ˘ ˘ ˉ ˉ

×× ˉ ˘ ˘ ˉ ˘ ˉ

Atijus

• Métrica en Oráciu (en alemán).