Fajalauza

Nesta página se gasta una ortografía destinta ala que normalmenti se gasta ena Güiquipedia.

Detalli el debujinu d'un pratu fajalauza.

La fajalauza es un estilu cerámica caraiterísticu la ciá de Granada (Andaludía) y los sus alreoris. Se trata d'una las cerámicas de mayol pureda d'España, ya que s'ha conselvau cuasi que intata dendi los tiempus los morus.

Etimología

El su nombri le vien pol mé de que los antigus jolnus y alfaris ondi se jadía estaban assitiáus a la vera la Puerta de Fajalauza, nel barriu el Albaicín.

Motivus

Los debujinus suelin sel animalis (pajarinus varius) y prantas, temas clássicus la cerámica musulmana. Amás, la graná, símbulu la ciá, apaeci ena juerza las piezas con motivus froralis. A vedis se gastan tamién motivus eráldicus. Las coloris típicas conas que se jadin los dibujus fajalauza son el adul, el verdi y el moráu sobri jondu brancu.

La fajalauza anguañu

Ena atualiá, la fajalauza ha queáu desapartá de la cultura tradicional granadina, jidiéndusi práticaenti sólu pa la venta comu "souvenir". Anque esta ativiá garantiza la su sobrevivancia, ogañu ná más que la frabican 5 pressonas ena provincia.

Juentis

Bibliografía

• Carmen Nonell, Cerámica y alfarería populares de España. Editorial Everest, Lión. ISBN 84-241-4706-5

Atijus

• Afotus de piezas de fajalauza