Fernando Sánchez Dragó

Fernando Sánchez Dragó
Enhormación pressonal
Nacencia	2 de octubre de 1936 ; Madrid (España)
Muerti	10 de abril de 2023 (86 años); Castilfrío de la Sierra (España)
Causa de muerti	Infarto agudo de miocardio
Nacionalidá	Española
Familia
Padre	Fernando Sánchez Monreal
Ijus	4
Educación
Educau en	Colegio Nuestra Señora del Pilar
Enhormación profissional
Oficiu	Pediorista, escrevienti, políticu, presentaol de televisión, crítico literario, filólogo y novelista
Ária	Literatura española y filología hispánica
Empreaol	Televisión Española
Sitiu web	www.sanchezdrago.com
Destincionis	Premio Nacional de Ensayo (1979); Hijo Adoptivo de Soria (1992); Premio Planeta (1992) ;
	[editar datos en Wikidata]

Fernando Sánchez Dragó (Mairil, 2 Otubri de 1936 - Castilfrío de la Sierra, 10 d'abril de 2023) hue un escrebiol i créticu literáriu español. Tamien hue presentaol de televisión.

Biografia

Licenciau en filologia románica (1959) i en Lenguas Moernas especialidá en italianu (1962), i dotol en letras pola Nuversidá Central de Mairil. A lu largu los añus cincuenta i sesenta participó en protestas estuyantilis. Duranti la su moceá hue biembru el partiu comunista d'España, PCE, i por tó ellu sufrió calcel i essiliu. Á siu professol de luenga, literatura i estória españolas nuna tupa nuversidais de divelsus paisis. Á cultivau el pediorismu, la crética literaria, el ensayu i la narración de viajis (á estau en más de setenta paisis cumu pediorista o cumu simpli viajeru). Ganó el premiu nacional literatura ena su modaliá d'ensayu pola su obra Gargoris i Abidis. Una estoria mágica d'España, ena qu'estuya el enima d'España. El su pensaeru políticu parti dendi un liberalismu eterodossu i radical costruyéndu-se el su própiu sitema mesturandu filosofia oriental cumu el taoismu i el induismu con una defensa a ultrança de los derechus endividualis, a la via i a la propieá privá.

Nel su úrtimu libru espublicau en 2010, unta Albert Boadella, Dios los cría... i ellus palran de sessu, drogas, España, corrucion..., Fernando declaró que tuvu sessu con dos ñeñas de 13 añus duranti el su estacionaeru en Tóquiu enos añus 60^[1]. El comité d'empresa de Telemadrid i los sindicatus pidierun a la direcion la caena la su destitucion enmeyata comu presentaol el su programa ^[2], ya que sigun ellus, es un pederasta que á amitiu los sus atus.

Al tentu la su obra

Estilu

Fernando Sanchez Dragó está siempri en cata la espresión compreja, piensa que la luenga literária es argu alejau del luengaji usual, estu hazi qu'el lessicu seya mu pocu común, gasta gran cantiá d'enumiracionis i ajetivacion, abundan las metaforas, las oracionis compuestas i las estruturas sintaticas con huerti anidamientu.

Temas

Los sus temas favoritus sonin la espiritualiá, a puel sel entendia de maera eterodossa, la españa etelna, la tauromaquia, los viajis, la medecina alternativa, el sessu tántricu...