Fire Island

Fire Island

Farol de Fire Island

Vista dela isla dendi el farol.

Fire Island es una isla de Nueva York, assitiá nel Condau de Suffolk, nel sul de Long Island. Tieni una longitú de 48 quilómetrus i un anchol aprossimau de 1 km. La superficii dela isla es aprossimadamenti dunus 22,5 km², cuna puebración de 292 abitantis sigún el padrón de 2017 / 2018.

Fire Island está assepará puna distancia d’ocho quilómetrus de Long Island pola Great South Bay (Gran bahía sul). La isla está, nostanti, coneutá a Long Island vía la Robert Moses Causeway, calçá construyía nun bancu de tierra sobri l'agua. Tamién es posibli d’accedel meyanti los numerosos transbordadoris que pasan pola Great South Bay, o con barcus privaus.

Las callis delas distintas comunidais son en realiá paseus de tablas de maera que coneutan los muellis, las casas i la playa. Salvu enos extremus esti i oesti, no ai cochis, acetu los servicius de seguriá que, en general, debin movel-si pola playa.

Geografía

Fire Island s’alcuentra a una distancia meya de 3.9 miles (6.2 km) dela costa sul de Long Island, peru ábati la toca nel su lau esti. Está separá de Long Island pola Gran Bahía del Sul, que abarca una serii de baías interconeutás en Long Island: Patchogue Bay, Bellport Bay, Narrow Bay i Moriches Bay.

Se puei acedel ala isla i alas sus comunidais turísticas en barcu, idroavión i ditintus transbordadoris, que surcan la baía dendi Patchogue, Bay Shore i Sayville, ata más de 10 puntus dela isla.

Dessistin conexionis por carretera cerca de cá estremu dela isla: a través dela Robert Moses Causeway nel su estremu ocidental i pola William Floyd Parkway (la carretera 46 del Condau de Suffolk) cerca del su estremu oriental. No se permitin veículus motorizaus nel restu dela isla, acetu pal passu de servicius púbricus, costrución i emergencia i con permisus limitaus pa conducil ena playa n'iviernu.

La isla está ubicá a 40°39′35″ norti, 73°5′23″ oesti. Sigún la Oficina del Censu delos Estaus Uníus, tiini una superficii de {{convert|24.9|sqkm|disp=flip.

Moificacionis estóricas

Los atributus físicus dela isla án cambiau col tiempu i siguin cambianu. Nun momentu dau, s’estendía más de 60 miles (97 km) dendi la isla de Jones Beach ata Southampton. Alreol de 1683 el mari s’abri paso a través de Fire Island, separándola de lo que pasó a sel la isla de Jones Beach. El entranti de Fire Island creció ata alcançal un anchu de 9 miles (14 km) antis de retrocedel. El faru se construyó en 1858, justu ena ensená, peru el estremu ocidental de Fire Island en Democrat Point s’a íu desplazandu hacia el oesti de manera constanti, de modu que el faru atual s’alcuentra a 6 miles (10 km) dela ensená. Fire Island se separó de Southampton en 1931 duranti un temporal del noresti, quandu s’abrió el entranti de Moriches. La ensená s’ensanchó el 21 de setiembri de 1938. Los esfuerçus delas comunidais localis al esti de Fire Island pa protehel el su frenti de playa con espigonis án provocau una interrupción ena deriva litorial de arena que va d’esti a oesti, polo que se lis atribuyi la erosión dela playa de Fire Island. Entri estas importantis irrupcionis del mari seccionandu la isla, s’án registrau informis a lo largu de los añus de al menus seis entrantis que s’abriun paso a través dela isla, peru que dendi entoncis án desaparecíu.

Furacán Sandy

La isla fue huerti dañá nelas mareas altas asociás al furacán Sandy nel 2012, encluendu tres violacionis alreol de Smith Point County Park nel estremu esti escassamenti poblau dela isla. La mayol rotura (i politicamenti más dificil de tratal, polque está nuna çona de desiertus) fue en Pike Wilderness, al oesti de Smith Point County Park.

Los informis endican que l'80 pol cientu delas cassas, particularimenti aquellas nel estremu esti, fuerun inundás i 90 cassas fuerun completamenti destruías[1].

La tempestá tamién arrancó cerca de 75 metrus de dunas dela costa. Peru Fire Island no fue golpeá tan huerti comu otras áreas i más de 4.500 cassas nela isla sobrevivierun, inque dañás. Funcionarius creditarun el programa de reposición delas dunas a ayual a poupá l'isla.

Etimología

L'origin del nombri "Fire Island" no es certetu. Se cavila qu'el su nombri nativu americanu era Sictem Hackey, que pue sel traducíu comu "Tierra delos Secatogues". Los Secatogues eran una tribu ena área dela atual ciá d'Islip. Era parti de lo que tamién fue llamau de "Seal Island". El nombri de Fire Island apareció pola primera vezi alreol de 1789.

L'estoriaol Richard Bayles sugieri qu'el nombri deriva duna una enterpretación equivocá u una corrupción dela palabra alemana vijf ("cincu", u "five" en ingrés), u en otra versión vier ("quatru"), refiriéndusi al númeru d'islas cercanas ala enseá de Fire Island. A vezis, las estorias se an referíu a ella nel plural, comu "Fire Islands", polas roturas dela enseá.

Otras versionis izin que l'isla tuvu su nombri derivau del fuegu hechu ena orilla del mari pol nativus americanus o pol piratas pa atrael navíus desavisaus palos bancus d'arena. Algunus izin qu'es polas porcionis dela isla parecerin estal en llamas nel mari nel otoñu. Nostanti, otra versión izi que vieni dela erupción causá pola yedra venenosa nela isla.

Mentris la parti ocidental dela isla era conocía comu Fire Island pol muchus añus, la porción oriental fue refería comu Great South Beach ata 1920, quandu el desenvolvimientu generalizau hizu que toa la massa de tierra passassi a sel denominá Fire Island.

Colonización

William "Tangier" Smith tuvu derechu en toa la isla nel sigru XVII, baxu una patenti real de Thomas Dongan. Los restus de Smith están abiertus al públicu en Shirley (Nova York).

• La primera cassa grandi fue construía en 1795 en Cherry Grove pol Jeremiah Smith. Smith diju habel atraíu navíus pa su destrución i matau las tripulacionis[5][6].
• Nel prencipiu del sigru XIX, quandu la esclavitú entavía era legal en Nova York, esclavus construyerun paliçás nela enseá.
• El primer faru de Fire Island fue construíu en 1825 i fue reemplaçau pol faru atual en 1858.
• En 1855, David S.S. Sammis compró 120 acris cerca del faru de Fire Island i construyó el Surf Hotel en lo que es ogañu el Kismet. Sammis operó l'hotel ata 1892, quandu l'Estau assumió el control. En 1908, se convirtió nel primer parqui estatal de Long Island.
• En 1868, Archer i Elizabeth Perkinson comprarun la tierra alreol de Cherry Grove i Fire Island Pines. Ellos construyerun un hotel en 1880.
• En 1887, la Guarda Costera estableció 11 estacionis salva-vidas tripulás nela isla.
• En 1892, tropas fuerun llamás pa reprimil un motín potencial en Democrat Point debíu al pánicu pola cólera[7].
• En 1908, Ocean Beach fue establecíu, seguíu pol Saltaire en 1910.
• En 1921, los Perkinsons vendierun el terrenu alreol de Cherry Grove en pequeñus lotis. Bangalós del recién cerrau Camp Upton, en Yaphank, fuerun transportaus a lo largu dela Great South Bay pa construil la nueva comuniá. El Duffy's Hotel fue construíu en 1930.
• El Grandi Furacán de 1938 devastó muchu dela isla i hizu que pareciera desagradabli pa muchus. Nostanti, el Duffy's Hotel permaneció relativamenti sin dañus. D'acuerdu cola leyenda, la población gay empeçó a concentrarsi en Cherry Grove nel Duffy's Hotel con Christopher Isherwood i W. H. Auden vestíus comu Dionísio i Ganímedes nel altu duna litera dorá con un grupu de seguidoris[8]. La enfluencia gay acontinó nela década de 60 quandu el modelu masculinu John B. Whyte desenvolvió Fire Island Pines. Pines tieni ogañu algunas delas propiedais más caras nela isla i es responsabli pol dos tercius delas piscinas del área[9].
• En 1964, Robert Moses construyó la Captree Causeway nel estremu oesti dela isla[10]. Los opositoris, temendu que esti fuessi el prencipiu de planis pala acontinuación dela Ocean Parkway, corrierun pal mediu dela isla, organizaus i, finalmenti, pararun l'avenía.
• En setiembri de 1964, el presidenti Lyndon Johnson firmó una lei creandu Fire Island National Seashore, un área de proteción nela costa dela isla.

Marcos i Reservas

Ecetuandu pol oesti 4+1/2 millas dela isla, la isla está protegía comu parti del Fire Island National Seashore. El Robert Moses State Park, ocupandu la porción ocidental restanti dela isla, es unu delos destinus más popularis d'ociu dela ciá de Nova York. El faru está al esti del Robert Moses State Park.

Un memorial al vuelu 800 dela TWA está localizau nel estremu esti de Smith Point County Park, cerca del local del desastri.

Abitantis

Fire Island es un área mui estacional. Las abitacionis son prencipalmenti en estilu bangaló, con generosas porcionis de bambu. Algunas están ala orilla del mari, construías sobri las dunas del Océanu Atlánticu, mentris otras están en calçás u caminus de hormigón, comu una ciá en miniatura. Ai pocus residentis nelos mesis d'invierno, peru la puebración esplota nel final dela primavera. L'estilu de vida es mui casual i amigu, con Ocean Beach comu el prencipal destinu pa turistas i escursionistas. Residentis duranti tol añu puen encontral escuelas, iglesias, tiendas i ata un serviciu d'autobús escolar pa Long Island a través dun veículu modificau off-road.

Las aldeas tranquilas proporcionan soleá, mentris las ciais mayoris, comu Ocean Beach i Cherry Grove, proporcionan un ambienti más social, con clubis, baris i restaurantis al airi libri. Dos dessas aldeas, Fire Island Pines i Cherry Grove, son popularis destinus pa veraniantis LGBT.

Las aldeas constituías d'Ocean Beach i Saltaire, dentru de Fire Island National Seashore, son çonas libris d'automóvilis duranti la temporá turística de veranu, i permitin solu el tráficu de peatonis i de bicicletas (duranti ciertas oras solu en Ocean Beach). Pal usu huera de temporá, ai un númeru limitau de licencias de conducción palos moradolis duranti tol añu. El pueblu de Davis Park no permiti veículus u bicicletas duranti tol añu.

La erosión costera, en gran parti debíu ala construcción dun muellu nela Enseá Moriches, s'abrió naturalmenti puna tempestá en 1931 i s'amplió el 21 de setiembri de 1938, i es descrita nun informi sobri los efetus geológicus del furacán de 1938[11].

Servicius d'Emergencia

La localización única i en constanti cambiu geográficu de Fire Island desempeña un papel emportanti nela proteción de sus ciudadanus. Inque es servíu pol diezi bomberos i dos departamentus de policía, la residencia estacional i la distancia remota son un desafíu pala seguriá pública. Comu no ai carreteras abitás en Fire Island, veículus de bomberus están huerti modificaus con tracción nelas quatru rueas, suspensión reforçá, neumáticus off-road i equipamientus de rescati, lo que les permiti atravessal l'arena suelta.

Ata 1986, no abía serviciu d'ambulancia en Fire Island, lo que llevó a Saltaire a formal su compañía de rescati, más tardi seguía d'Ocean Beach i, endispués nela década de 2000 con Fair Harbor. Debíu a distancias relativamenti cercanas, el cuerpu de bomberus de Fire Island está obligau a proporcioanl ayua mutua en ambus sentíus.

Algunus departamentus costerus d'encendiu en Long Island están totalmenti equipaus pa salvamentu marítimo, con barcus d'encendiu, i tamién cuentan col departamentu de policía del condau de Suffolk.

L'escritoriu de marina del Departamentu de Policía de Suffolk es la prencipal agencia d'aplicación dela lei. Ocean Beach tamién possee un departamentu de policía propiu. Procesus penalis son trataus pol Tribunal del Distritu de Suffolk i pressoas que son arrestás irán pala 3ª, 1ª u 5ª delegacías, u a una delas prisionis del escritoriu del sheriff del condau de Suffolk. Pequeñas causas i cuestionis de propieá son generalmenti tratás endividualmenti pola aldea d'origen del casu. Es una prática común pala policía escrebil boletus i, endispués, envial a los visitantis endisciplinaus huera dela isla vía tasis aquáticus, a costa del enfractor.

La Suffolk County Park Police i la New York State Park Police patrullan el Robert Moses State Park, mentris qu'el National Park Service está estacionau nel faru de Fire Island i nel Fire Island National Seashore.

La Guarda Costera delos EE.UU. tieni una basi nela Isla i proporciona patrullas aéreas i náuticas pal Fire Island National Seashore, assin comu pa toas las playas dela región. Una delas más antigas estacionis dela Guarda Costera, l'Estación nº 25, está en operación enenterrumpía dendi 1849.

Demografia

D'acuerdu col Censu de 2000, cerca de 491 pressoas, i 138 familias residían en Fire Island. La densiá poblacional era de 52.82/mi² (21.82/km²). Abía 4.153 uniais abitacionalis, nuna densiá media de 478.1/mi² (184.6/km²). El mapa racial mostraba 96.77% de blancus, 0.65% d'asiáticus, 0.32% d'origen delas islas del Pacíficu, 0.65% d'otras raças, i 1.61% de dos u más raças. Espanus i latinus sumaban 2.90% dela puebración.

Abía 138 familias nela Isla, delos qualis 25,4% possuían biembrus menoris de 18 añus, 48,6% eran parejas casás vivendu juntas, 2.2% tenían una propietaria mujel sin la presencia dun maríu, i 44,2% no eran familias.

La puebración era distribuía con 20,6% abaxu de 18 añus, 6,5% de 18 a 24, 29,0% de 25 a 44, 33.5% 45 a 64, i de 10.3% con 65 añus d'edá u más. L'edá media era de 42 añus. Pa ca 100 mujeris abía 133.1 hombris.

La renta media pa una cassa en Fire Island era de U$73.281, i la renta media pa una familia era de U$83.672. Los hombris possuían una renta media de U$46,875 contra U$41,429 palas mujeris. La renta per capita en Fire Island era U$43,681. 3.1% delos endividuus estaban abaxu dela línea dela pobreça, encluendu 8.6% d'aquellus con 65 u más.

Ena coltura popular

L'isla de Fire Island tamién es conocía polos numerosus biembrus dela comuniá LGBT que la frecuentaban nelas décadas delos 70 i los 80. L'isla es mentá enas pinículas de The Normal Heart de Larry Kramer, i Fire Island d'Andrew Ahn. Tamién es conocía polas celebridais que residen u an residíu en ella, sobri tou en veranu. Entri estas, figuran l'escritol Truman Capote, l'ator i realizaol Ethan Hawku diversus atoris comu David Duchovny, Harvey Keitel u inclusive Uma Thurman.

• Una delas primeras mencionis de Fire Island fue en diálogu del filmi noir de 1948 I Walk Alone.

• L'episodiu 23 dela primera temporá de Naked City es entitulau "Fire Island" i trata sobri un grupu de fabricantis de bebías clandestinas que se muevin pa una cabaña pa passal l'invierno destilandu licol.

• En Rowan & Martin's Laugh-In, chistes gays fuerun frecuentimenti presentaus pol "On Fire Island". Referencias específicas a homossessualidá raramenti fuerun permitías polos estándaris de rei nel momentu.

• Una pieça entitulá "Shel Silverstein on Fire Island" apareció nela edición d'abostu de 1965 dela revista Playboy, con sarcasmus bien-umoraus sobri los clubis gays dela escena d'allí.

• Last Summer, filmi de Frank Perry de (1969), adaptau pol Eleanor Perry dela novela d'Evan Hunter sobri un veranu de descubrimientus sessuals en Fire Island, dió una endicación al Oscar a la atriz Catherine Burns.

• L'escritora americana Patricia Nell Warren, conocía comu la "Madri delos Frontrunners" — los clubis de corrida/caminata LGBT — localiza parti de su best-seller de 1974 El Correol de Fondu (en inglés: The Front Runner), assin comu de Harlan's Race, una secuela publicá en 1994, en Fire Island.

• Bancu d'imágenis del faru de Fire Island fue usau comu parti de dos delas secuencias d'apertura dela novela dela CBS Guiding Light. La primera secuencia, mostrandu el faru con un cielu azul, fue utilizá a partil d'eneru de 1970 a primavera de 1974; la segunda secuencia, mostrandu el faru con un cielu anaranxau, fue usau a partil dela Primavera de 1974 a noviembri de 1975.

• La canción "Come to Me" fue descrita comu "el clássicu dance definitivu de Fire Island" polque el legendariu conciertu ena playa pol gañán de 16 añus France Joli de frenti pal mari con un públicu de 5000 pressoas el 7 de juliu de 1979. Quandu Donna Summer canceló nel últimu minutu, Joli entró en escena comu un sustitutus i se convirtió ena sensación dela nochi.

• La canción "Gay Messiah", del álbum de 2004 Want Two de Rufus Wainwright hazi referencia ala popularidá de Fire Island entri turistas gays i lésbicas, observandu que quandu el Messías gay vieni, "Él va cael a partil dela estrella / del Studio 54 / i aparecel ena arena / dela costa de Fire Island" (nel original: "He will fall from the star / of Studio 54 / and appear on the sand / of Fire Island's shore").

• L'álbum de 2003 Welcome Interstate Managers, de Fountains of Wayne, presentaba la canción "Fire Island" sobri las travessuras de dos ermanus solus en cassa, mentris los padris estaban de vacacionis ena isla.

• When Ocean Meets Sky, un documentariu de 2003 detallandu los 50 añus d'estoria dela comuniá de Fire Island Pines, tuvu su estrenu ena televisión el 10 de juniu de 2006, encluendu muchas imágenis d'archivu enéditas.

• El reality show dela ABC One Ocean View (2006) fue filmau en Fire Island.

• Fire Island es escenariu tamién dela pieça de Terrence McNally Lips Together, Teeth Apart.

• El Village People encluyó una canción llamá "Fire Island" nel álbum d'estrenu de 1977, Village People. Ena música, ellos se refieren ala isla comu "un fin de semana badalau" i mencionan varius localis, comu Ice Palace, Monster, Blue Whale, i el Sandpiper. La canción tamién enclui l'avisu "No vayas al matu", polque "alguien pue agarrati" u "alguien podría apuñalá-ti."

• Fire Island es presentá ena novela de 2008 d'Ann Brashares The Last Summer (of You and Me), sobri dos ermanas i un amigu que crecierun juntus, de vacacionis ena isla ca veranu. Fire Island sirvi comu dobli significau, tantu comu un destinu de vacacionis u comu un eufemismu homoeroticu.

• Robert Kelsos, ena seri dela NBC Scrubs, tieni un iju llamau Harrison, qu'abrió una tienda en Fire Island llamá "Everything Mesh".

• Fire Island es repetidamenti citá nel sitcom dela NBC Will & Grace. Muchas referencias son hechas palas aventuras vivías pol Will Truman i Jack McFarland duranti sus vacacionis allí; l'empressión dá nelas referencias es que los gays son bien-veníus i ai un afloxamientu delas propias enibicionis. En otru sitcom dela NBC, 30 Rock, la isla fue citá pol Devon Banks (Will Arnett), un joven executivu gay que flirtea con un funcionariu dela tienda gay i los planis pa encontrarsi con él más tardi en Fire Island.

• Fire Island es citá ena canción "Raw Deal", del álbum Sin After Sin del Judas Priest.

• En Family Guy, nel episodiu The Father, the Son, and the Holy Fonz es mostrau un clip del filmi de ficción "Jaws 5: Fire Island".

chança ambus los naaoris i el tiburón tienin una vozi mui afeminá i presumiblementi refiriéndusi ala popularidá dela isla ena comuniá LGBT.

• Nel filmi de 2002 Men in Black II, el faru de Fire Island fue usau pa represental l'estación de correus de Massachusetts ondi el personaji de Tommy Lee Jones, Kevin Brown, estaba trabaxandu endispués de dexal el MIB nel primer filmi.