Güiquipedia:Votacionis/Archivo/2008

Votaeru el primel logu la Güiquipeya

Los logus criaus pol Pateraggelos i Purgossu án tiniu el mesmu númiru e votus, asínque daremus otrus 10 dias pa tratal de resorvel el empati (afecharemus el dia 15 e Marçu). Suerti a dambus dos! Tiu Chelu 18:20, 5 March 2008 (UTC)

Pateraggelos

Votus a favol:

Pa igualal el votaeru, me queu cola e Pateraggelos, es más simpri. Salús! Tíu Cancho 0:10, 26 Hebreru 2008

Purgossu

Esta imahin sedrá mestel redimensionala si sali lihia

Votus a favol:

Aluspués de cavilal albondu (la verdá es que tantu la imahin de Purgossu cumu la e Pateraggelos son mu güenas), me queu cola e Purgossu, ebiu a que la criá pol Pateraggelos puei presentalsi pa otru momentu (pol sabulugal, pal dia d'Estremaura). Saludus! Tiu Chelu 18:06, 25 February 2008 (UTC)
Pus, me pahi que yo vi a votal la imahin de Purgossu. Reconoçu que es mas repulia i tini mas orihinaliá que la mia. Amás puemus vel la cibueña cumu seña d'Estremaura, i nu siempri el guarru, qu'inque nu me da velgoña i tan ricu está, pahi que mas ná ai ena muestra tierra. --Pateraggelos 11:22, 7 March 2008 (UTC)
Votu esta imahin, que la cibueñina es mehol seña estremeña que los própius arrayus.--Fraili Carmona Valviensi 20:04, 9 March 2008 (UTC)
Votu essa imagin, polque la idea es original en sí. La cibueña es nesti intri el mejol símbulu que tenemus (mejol qu'el guarrapu y la bellota, essu de siguru), anque de siguru que se puey atopal unu mejol (cibueñas hain en toas partis, co!). --Ringurrangu 19:16, 9 March 2008 (UTC)
Votu pola imahin el Purgossu, tamién creu que la cibueñina esa asomandu la caeza d'entri el logu la wiki es una seña estremeña y quea mu pulia. --Tallu1 20:27, 9 March 2008 (UTC)

Resurtau

Con 5 votus a favol, quea lihia la imahin del Purgossu cumu primel imahin la Güiquipeya. Grácias a tós pol participal. Tiu Chelu 09:07, 16 March 2008 (UTC)

Pulítica e votacionis

Es mestel que la comuniá la Güiquipeya voti una pulítica palas votacionis, es izil, que nu se hagan las cosas polque sí, sinu que aiga unas regras que tós ebamus seguil, pa evitalmus huturus pobremas. Velaquí la mi prepuesta (semilal a l'asturiana):

Pa puel participal nuna votación, el usuáriu ebi bel hechu al menus 50 contribucionis al proyeutu i contal con 30 dias d'antigueá.
Al participal sedrá mestel asiahal cuatru vírgulus al final del votu u comentáriu: (~~~~).
Los votus d'usuárius anónimus nu se contabiliçarán.
Las votacionis s'afecharán a los 10 dias de la prepuesta, cualisquiel votu posteriol nu sedrá váliu.
Pa qu'una prepuesta seya aprebá tendrá que contal con 3/4 partis favorabris de los votus totalis.
Las votacionis remanentis tendrán páhinas endependientis i estarán marcás cola siguienti prantilla: {{Votación remanenti}}

Estu nu afetará a las votacionis en cursu. La votación durará 10 dias (hata el dia 22), i sedrá mestel que las 3/4 partis los votantis estén dalcuerdu.

Votus a favol:

Tiu Chelu 12:48, 12 March 2008 (UTC)

Votus en contra:

Resurtau

Con 1 votu a favol, quea aprebá la nueva pulítica e votacionis. Tiu Chelu 22:29, 23 March 2008 (UTC)

Pulítica palos Bots

Esta votación durará solu 4 dias

Dendi meta mos piin que aprebemus esta pulítica. Yo nu entiendu albondu d'estu, asínque nu me prenunciu. Si nu izimus ná, sedrá acetá autumaticamenti. Better 10:33, 31 Mayu 2008 (UTC)

Yo no sé hablar extremeño. Pero cuando terminen las elecciones pueden pasar a m:Steward requests/Bot status y activaremos el flag de bot. Los primeros ya han sido activados. Drini 18:55, 2 Húniu 2008 (UTC)

Nombris centíficus

A la pas de Dios! Esmiençu un votaeru pa encraral lo cumu hazemus pa nombral la URL las especiis animalis i vehetalis. Yo creu qu'eberiamus nombralus colos nombris centíficus, i alogu, nel mesmu testu, tamién escrebil el nombri común (cumu se hazi ena mayoria las wikipedias). Asina, por sabulugal, si alguien escrebi un endirgui sobri el perru, la URL sedrá ext.wikipedia.org/wiki/Canis_lupus i nu ext.wikipedia.org/wiki/Perru.

A favol:

El tiu Cancho

Tiu Fraili

Estoi a favol, peru nu era el canis lupus el lobu i el familiaris el perru? Argu deprendí nel añu que dí biolohia ena escuela XD Better 08:51, 18 Húniu 2008 (UTC)

Pol ciertu, la prósima vezi que voteis, gastai cuatru ~~~~ pa sabel tamién la ora a la que abeis votau. Salús! Better 08:55, 18 Húniu 2008 (UTC)

En contra:

Pus yo estoi a la escontra desta horma e nombral los animalis i vehetalis. Las Güiquis mas emportantis están a la pal, l'ingrésa i alemana nu la gastan, peru l'italiana i española sí. Al respetivi las güiquis mas celcanas a la muestra, l'aragonesa i asturiana nu la gastan. Pa mi que la henti puei landeal los animalis menus enteosaenti cola parabra estremeña. A pesal destu, si el votaeru sali a favol, asperu que se crie las redirecionis nesezárias pa cá indirgui (ej: Canis lupus familiaris --> Perru ) --Pateraggelos 09:20, 20 Húniu 2008 (UTC)

Ombri, lo de las redirecionis nu hazi farta ni izilu, ya que la parabra que cualisquiá landeará nu sedrá la centífica, asínque ca unu llevará la su redireción correspondienti. Better 09:50, 20 Húniu 2008 (UTC)

Nu vos orviéis de qu'el nombri Henéricu s'escrebi con mayúscula (Canis, Homo, Quercus) i el especificu (lupus, sapiens, ilex) con minúscula. Un salú!!--El tiu Cancho 12:12, 16 Húniu 2008 (UTC)

Ressurtau

Con 3 votus a favol i 1 en contra, quea aprebá la propuesta el tiu Canchu de gastal nombris centíficus. Grácias a tós pol participal. Better 08:18, 24 Húniu 2008 (UTC)

Duendis i alministraoris

Esta votación ya se hizu nel su dia, peru en fin, solu voté yo i era mestel poneli un nombri a los "sysop" i "bureaucrat", asínque, la mi propuesta es chambal en nombri atual "Duendi" (sysop en ingrés i bibliutecáriu en castellanu) pol Çahoril (nel sintiu la mitulohia hurdana, pueis alcuentral mas enhormación pursandu aquí). Ena mi opinión, esti chambu hazria albondu mas estremeña la Güiquipeya, peru en fin, vusotrus izreis.

Pol otra parti, yo creu que gastal la parabra "alministraol" pa hucheal a los "burócratas" está bien, inque si tinís anguna otra propuesta... Tiu Chelu 11:43, 1 February 2008 (UTC)

Me pahi mu güena idea lo de çahoril. Nu tinia ni paholera idea lo que era un çahoril ni que desistia esi artículu e la mitulohia e las Hurdis. Yo, hormi eis puiu vel nalgotrus comentárius mius, toinu lo que seya gastal parabras que mos deferéncien del castellanu mehol que mehol. Asinque dambos dos, çahoril i alministraol tinin el mi votu. Al tentu lo d'escrebil lo cúmu me dio pol crial la Güiqui hazré anguna cosina, craru que si.--Pateraggelos 16:28, 2 February 2008 (UTC)

Al tentu Idioma u Luenga

Trauciendu artículinus luengüísticus é caiu en que éis criau angunus pusiendu nel entítulu: Idioma tal i cual, pol sabulugal italianu. Cumu ain numirosas luengas, palras, dialetus, idiomas, i tal i mas devisionis filulóhicas, creu mas comenienti ponel luenga italiana mehol que idioma italianu. Lo igu pol nu andal con cavilacionis sobri si esta palra es una luenga, idioma u lo qué córciu es, polque alogu vinin las estupendosas runchas políticu-luegüísticas. Pol tó estu creu mas corretu i marramus menus si izimus que toas son luengas, inque centíficaenti nu lo seyan, que si izimus que toas son idiomas. Si vos paeci bien, yo me pongu a chambal las páhinas desistentis. Asperu la vuestra rispuesta. --Pateraggelos 10:15, 30 January 2008 (UTC)

Yo rialmenti nu sé destas cosas, nu sé mu bien las razonis qu'ai pa deferencial entri luenga/idioma... asínque pola mi parti, ni lo veu bien, ni lo veu mal (sé qu'enantis ena güiquipeya en castellanu s'izia luenga i lo chambarun a idioma pol queal mas "enciclupéyicu"). Lo que sí me preocupa es cúmu deferencial entri si una palra (pol sabulugal, el cántabru) es una luenga, un dialetu... hazemus lo mesmu que hazi Wikimedia? (es izil, si la palra tiini cóigu SIL es una luenga, i si nu, una palra)... Tiu Chelu 13:12, 30 January 2008 (UTC)

Pus la deferéncias sin entral en abarullus ténicus son mas o menus estas: La luenga es un télminu mas luengüísticu i se refiri al sistema de sinus col que se comunica una comuniá umana. En chambu, el idioma, tini mas que vel colas luengas mas estandarizás, cola literatura que ai nesa luenga, que tinin reconocéncia oficial, i tal i mas, es izil, temas mas políticus. Pol sabulugal, el italianu es un idioma peru nu el latín, que se supón muertu, u el estremeñu, que no tini reconocéncia (pol ehrácia). Alogu está lo del dialetu i la palra. Estu es mas enteosu, polque dialetu es un sistema luengüísticu ahorrau u derivau d'algotru. Pol sabulugal el estremeñu es un dialetu el Asturlionés, peru tamién el castellanu es un dialetu el latín, cumu el catalán, francés, i tal i mas. Lo que mas se mira pa consieral una luenga u un dialetu audecha sel que seyan suficientienti deferentis dalgotras luengas (estu cumu pueis vel es mu suhetivu). Y la palra es mas endividual, puei sel la horma en que tu mesmu palras el español (esa es tu palra), peru tamién la horma e palral de un puebru u una comuniá sin que esté mu definias las deferéncias cola supuesta luenga mairi (la palra andaluza, la palra canária). Yo lo que igu es nu hazel la deferéncias entri dialetu ni idioma, solo luengas. Asina puemus metel el español, italianu, latín, estremeñu, asturianu, árabi... seyan dialetus estóricus, idiomas, luengas muertas... Asperu nu belti enreau mas, :). --Pateraggelos 14:56, 30 January 2008 (UTC)

Chacho, pos nu es enteosu estu ni ná... siendu asina, la verdá es que me queu con "luenga" en lugal de "idioma", lo que nu me quea mu craru es lo que hazremus colos dialetus, pol sabulugal, la palra el Rebollal, Hurdanu, Sirragatinu... esu tamién sedrian luengas?, u los dialetus d'otrus idiomas... nu acabihu e vel esu, polque pol esa regra e tres, el manchegu es una luenga, pol ponel un clusu... Tiu Chelu 15:21, 30 January 2008 (UTC)

Esus sabulugaris c'as puestu son palras, polque nu están mu deferenciaus de la luenga mairi (el estremeñu uñificau, coiné estremeña u neuestremeñu, cumu lo queramus llamal, nel primel chascu i el español, nel sabulugal del manchegu, andalús...). Pol esu nu queria enfurruscalu tantu, polque ni los luengüistas mos ponemus dalcuerdu. Yo estó pol palral ena Güiqui de luengas i palras i ehal el restu de deferéncias. U si nu, entitulal el artículu cumu "Purtugués", "Italianu" namás, i endispués definilu endrentu. Es la maea que tinin las Güiquis de Fráncia, la catalana, asturiana... El restu gastan luenga (la italiana, gallega...) --Pateraggelos 16:04, 30 January 2008 (UTC)

Dalcuerdu, pola mi parti nu ai mas preguntas ^^. Yo votu pol queal los entítulus cumu luenga i palra (cumu ena italiana, gallega...). Me paci emportanti queal craru nel entítulu si se palra duna luenga, palra... (amas, desta horma se deferenciaria enos chascus en que desisti una luenga i un dialetu con el mesmu nombri, pol sabulugal, el estremeñu, el aragonés...) Saludus! Tiu Chelu 16:59, 30 January 2008 (UTC)

Al tentu la wikipedia en purtugués oliventinu

Oi é vistu un mensahi duna presona qu'izi sel estremeñu palranti a unu los alministraoris que mas mos a ayuau. N'él s'izia qu'eramus tres u cuatru amigus qu'emponiamus la muestra ortugrafia i tal i cual, en fin, que nu queria que s'aprebasi la Güiquipeya (ca unu que crea lo que quiea). El chascu es que unu los argumentus que gastó hue que tiniamus una parti la Güiquipeya nun dialetu el purtugués (estu es, la Güiquipeya en purtugués oliventinu)... yo soi el primeru al que le petaria que acontinara desistiendu (yo mesmu ayué a criala), peru creu que mos puei trael pobremas... i si entovia los oliventinus escrebieran i tal, pos runcharia pol ella, peru rialmenti está abaldoná... nu sé, lo cuál es la vuestra opinión? Tiu Chelu 20:23, 19 February 2008 (UTC)

¿Pues endirgal el atihu del sitiu ondi lo vidisti, pol favol?

--Ringurrangu 05:34, 22 February 2008 (UTC)

Ups te diba a contestal i resurta que ya loo as alcuentrau tú... en fin, yo nu diba a escrebil ná (pol sel una caraba "privá" ena páhina el usuáriu... en fin, nu á diu mal, asínque grácias pola ayua Ringurrangu! La verdá es que yo estaba acagaçainu perdiu XD. Mentris los alministraoris nu igan ná, quearemus la wiki en oliventinu. Saludus! Tiu Chelu 17:57, 25 February 2008 (UTC)

Logu los çahorilis

Es lóhicu que los çahorilis la Güiquipeya tengan un logu que, asiahau ena su páhina d'usuáriu, los identifiqui cumu tal (pa que los usuárius que landein un çahoril los alcuentrin sin pobremas i sin dual si lo son u nu). Vo a proponel una seri d'imahin qu'é alcuentrau en Commons, i si alguien alcuentra anguna que crea qu'está bien, tamién puei presentala. La votación s'afechará el dia 15. Salús! Tiu Chelu 11:48, 5 April 2008 (UTC)

Votus a favol:

Tiu Chelu 11:48, 5 April 2008 (UTC)
Chabi 11:44, 6 April 2008 (UTC)

Votus a favol:

Resurtau

Con 2 votus a favol, quea aprebá la imahin númiru 1 cumu logu los çahorilis. -- 11:44, 6 April 2008 (UTC)