Glosa

Glosa
Criaoles:	Ronald Clark i Wendy Ashby
Añu:	1972
Tipu:	Lengua arteficial  Lengua aussilial entrenacional

El glosa es una luenga arteficial creá pol Ronald Clark i Wendy Ashby en 1972.

Estoria

El glosa está basau en la lengua conocía comu interglossa, creá pol centíficu Lancelot Hogben duranti la II Guerra Mundial. El manual hue sacau nel 1943 comu "un encentu d'una lengua aussilial".

Ron Clark descubrió el manual d'interglossa pol l'añu 1960. S'ajuntó col Hogben cona intención de desenroal la lengua. Wendy Ashby s'uñó al proyetu en 1972. Quandu Hogben murió en 1975, la mayoría de muacionis ya havían síu descutías, comu que el glosa tenía que escrebil-si de horma fonética (una letra pa ca soníu). Estu empricava que PH, TH i CH pasavan a escribil-si comu F, T i K (o C).

Otras muacionis huerun entroducías pol Ron i Wendy, que dierun al idioma un nuvu nombri (Glosa, que senifica "lengua" en griegu), i assina crearun una nueva lengua aussilial.

Hata 1979 aprossimámenti, Ashby i Clark provarun l'usu práticu dela lingua con voluntaarius. Duranti esti periodu, se desenroarun el vocabulariu i la formación de frais. Tamién publicarun el primel dizionariu de glosa.

Dendi 1987 l'organiçación Glosa Eduation Organisation (GEO) ha promovíu l'enseñança dela lengua. La su página web hue creá pol Paul O. Bartlett en 1996 i ogañu es almenistrá pol Marcel Springer.

Nel añu 2021, Vicente Costalago creó una wiki.

Literatura

Traucía

• (2022) Peri Geo Tem Okto-ze Di de Jules Verne, traucía pol Gary R. Miller
• (2023) Si de Rudyard Kipling, traucía pol Vicente Costalago
• (2023) Plu buno homo plu leuko elefa, de Ernest Hemingway, traucía pol Vicente Costalago

Atijus p'ahuera

• Wiki de Glosa