Goviernu

Dendi Güiquipeya
Política.

El goviernu (del griegu: κυβερνειν kubernein 'pilotal un barcu') es el prencipal pilar del Estau, la autoridá que dirigi, controla y administra las sus institucionis, la cual consisti en la conduzión política general o ejerciciu del puel ejecutivu del Estau. En esi sentíu, habitualmenti s'entiendi por tal órganu (que pué estal formau por un presidenti o primer ministru y un númeru variabli de ministrus) al que la Constitución o la norma hundamental d'un Estau atribuyi la hunción o puel ejecutivu, y qu'ejerci el puel políticu sobri una sociedá. Tamién pué sel el órganu que dirigi cualquier comunidá política.[1] Más estrechamenti "goviernu" significa al conjuntu los ministrus, es izil es sinónimu de "gabineti".

Introduzión[Edital | Editá'l códigu]

En términus amplius, el goviernu es el conjuntu d'institucionis, estructuras administrativas y personas qu'ejercin las diversas actividáis estatalis, denominás comúnmenti pueris del Estau (huncionis del Estau). El goviernu, en sentíu propiu, tiendi a identificalsi con l'actividá política y más en particular con el puel ejecutivu.

El goviernu no es lo mesmu qu'el Estau, está vinculau a esti pol elementu puel. El goviernu pasa, cambia y se transforma, mientras qu'el Estau permaneci, manqui históricamenti pué esperimental argunas transformacionis en argunus aspectus. En esi sentíu, el goviernu es el conjuntu los órganus directoris d'un Estau a través del cual s'espresa el puel estatal, por meyu del ordin jurídicu. Pué sel analizau dendi tres puntus e vista: según los sus actoris, com'un conjuntu de huncionis, o polas sus institucionis.

Una hartá autoris consideran qu'el objetivu del goviernu es crial un sistema d'auto-protezión social pa y con töas las personas que vivin en el Estau, que sea seguru al largo plazu, autofinanciabli, de mu güena calidá y sin corrupción. Prioritariamenti asegural el huturu la salú, educación, trabaju, sustentu y vivienda.

A diferencias e las ONG, el goviernu recauda aportis obligatorius de tós los miembrus del Estau, usualmenti monetarius y en ocasionis en forma de serviciu personal obligau, pa construil infraestructura y servicius públicus.

Los espertus en cencias políticas clasifican las diferentes clasis e goviernu de diversas maneras. A esti respectu, la Encyclopædia Britannica esplica: “Existi la distinción clásica enti goviernus según la cantidá de gobernantis: el que es ejercíu por un solu hombri (monarquía o tiranía), por una minoría (aristocracia u oligarquía), o pola mayoría (democracia)”.

A vezis los goviernus se clasifican según las sus institucionis más importantis (parlamentarismu, goviernu d'un gabineti), según los sus prencipius básicus d'autoridá política (tradicional, carismáticu), según la su estructura económica, o según el su uso o abusu del puel. “Manqui nengunu d'estus prencipius d'análisis abarca tó aspectu —comenta esta obra de referencia—, cá unu tié cierta validez.”

Históricamenti, los primerus goviernus surgierun en sociedáis con economías más complejas en las qu'existían escedentis económicus pa coordinal el plenu aprovechamientu los recursus humanus, naturalis, instalacionis y herramientas. En la mayor parti de sociedáis los goviernus sostienin buscal el máximu de beneficiu social, manqui en argunus estaus oligárquicus esplícitamenti el goviernu izía defendel los interesis d'argún grupu social. Drentu las instuticionis e goviernu, destaca el puel ejecutivu comu coordinador prencipal del goviernu (en ocasionis inclusu se confundi el términu goviernu con el mesmu "puel ejecutivu"). Junt'a esti puel, se considera qu'el puel legislativu tamién es parti del goviernu como generaor de leyis y el puel judicial com'árbitru enti conflictus enti diferentis agentis, que trata d'asegural el cumplimientu las leyis.

Huentis[Edital | Editá'l códigu]

Referéncias[Edital | Editá'l códigu]

Bibliografía[Edital | Editá'l códigu]

  • CASCAJO CASTRO, José Luis y GARCÍA ÁLVAREZ, Manuel. "Constituciones contemporáneas". 1994.
  • López GUERRA, Luis. "Estudios de Derecho Constitucional". 2001. isbn 84-8442-360-3.

Atijus[Edital | Editá'l códigu]