Herreritu

Herreritu (Cyanistes caeruleus)

Otrus nombris:	Herrerichi
Destribución

Crassificación científica
Reinu	Animalia
Filu	Chordata
Crassi	Avis
Ordin	Passeriformis
Familia	Paridae
Géneru	Cyanistes
Especii	Cyanistes caeruleus
Autol
Linaeus, 1758
Estau de conservación
Conservación deHerreritu

El herreritu [hereˈɾitʊ] (nom. ofic. Cyanistes caeruleus) es una especii d'avi dela familia delos páridus, chiquinu, peru de grandi coloríu. Está mu destendía por Uropa i Orienti Mediu.

Sinonimia

El nombri de herreritu es el corrienti pa esti páxaru, enque angunus puebrus llaman herreritu tamién al chichipán, por causa del espetu comparanti. Tamién se conoci comu herrerichi.

Morfología

Midi unus 11,5 dendi el picu ata'l rabu. Tien las alas i el rabu de colol azul cobaltu huerti, la parti baxera amarillina, los carrillus brancus con una listina negra en el oju i arroeandu el celebru. La espalda es de colol verduciu.

No se destaca muchu el machu dela hembra, desquitandu que'l machu tien la lista que arroea el pescueçu más ancha.

Esparramamientu

Esta avi abiti por quasi que toa Uropa, allegandu ata el Caspiu, Turquía, Armenia, Georgia i Azerbaiyán. Ena península Ibérica es mu corrienti de vé-lu.

Comportamientu

Vivi en bosquis caducifolius i variaus, enque son mu corrientis en enzinaris, monti i rastrojeras. En sitius urbanus tamién puein vel-si velaí en parquis i jardinis.

Subespeciis

Se conocin velaquí estas subespeciis:

   C. c. balearicus, Balearis (Mallorca).
   C. c. caeruleus, norti d'España, Sicilia, norti de Turquía i los Uralis.
   C. c. calamensis, Grecia.
   C. c. obscurus, Islas Británicas.
   C. c. ogilastrae, Portugal, sul d'España, Córcega i Cerdeña.
   C. c. orientalis, Russia de ponienti.
   C. c. persicus, suloeste d'Irán.
   C. c. raddei, norti d'Irán.
   C. c. satunini, Península de Crimea, Cáucasu, noroesti d'Irán  i Turquía.