Hugo Chávez

Hugo Rafael Chávez Frías (Sabaneta, 28 juliu de 1954 - Caracas, 5 marçu de 2013) hue un melital i políticu veneçolanu. Entró en el ejércitu en 1971 i en 1982 hundó el Movimiento Bolivariano Revolucionario - 200. En 1992 ententó un golpi de estau contra el gobiernu de Carlos Andrés Pérez peru fracasó. Chávez se presentó alos comicius presidencialis de 1998 con el apoyu del Movimiento Quinta República (MVR), i endespués de obtenel la vitoria se convirtió en el 42.º presienti de Veneçuela, con lo que buscaba consolidal la conocía comu Revolución Bolivariana basá en el su proyectu de socialismu del sigru XXI.

Chávez, en un prencipiu, decidió derogal la Constitución de Veneçuela de 1961 en 1999, convocandu un Referéndum constituyenti que hue aprebau por más del 80% de votación populal. Alogu convocó un segundu referéndum constitucional que resultó ena ratificación dela nueva Constitución de Veneçuela de 1999 con el 71,78% delos votus. La polarización política acabó en el golpi de Estau de 2002, en el que hue derrocau por dos días pol endustrial veneçolanu Pedro Carmona. Chávez hue restituíu en el poel endespués dun contragolpi delas Huerças Armás de Veneçuela. La tensión política acontinó conos hechus dela plaça Altamira i el "paru petroleru" entri diciembri de 2002 i hebreru de 2003.

Posteriormenti Chávez hue reelegíu enas posterioris votacionis. Murió de cancru en 2013.