Ingalaterra

Dendi Güiquipeya
Ingalaterra
Bandera
Lengua oficial ingrés
Capital Londri
Reina Carlus III
Primel Menistru Rishi Sunak
Longol
 - Total
 - % augua
130,395 km²
%
Puebración
 - Total (2015)
 - Densidá

54,786,300
391,987 ab/km²
PIB
 - Total (2005)
 - PIB/capita

2.680 millonis e US$
43.733 US$
Monea Libra esterlina (£, GBP)
Inu Tien albondu inus nu oficialis

Ingalaterra (England en ingrés) es un país d'Uropa que ocupa la mayol parti de la isla de Gran Bretaña i que, unta Escocia, Galis e Irlanda del Norti constitui el Reinu Uniu. Hazi arrayu al oesti con Galis, al norti con Escócia, al sul con el Canal de la Mancha, i al esti con el Mari del Norti. Tien 54,786,300 abitantis, lo que convielti al su territoriu nel mas puebrau de tol Réinu Uniu (83% de la puebración total d'esti)[1].

El Réinu de Ingalaterra se crió comu un estau unificau nel añu 927 i se huchea assina polos anglus, una de las tribus gelmánicas que llegarun a esti país entri los sigrus V i VI. El Réinu d'Ingalaterra (encluyendu Galis) continuó essistindu comu un estau deseparau hata el 1 mayu de 1707, quandu meyanti el Acta d'Union, s'unió al Réinu d'Escócia pa crial el Réinu de Gran Bretaña. En 1800, Gran Bretaña se fusionó con Irlanda meyanti otra Acta d'Union similal. En 1921, se crió el Estau Libri Irlandés, i en 1927 el Réinu Uniu adotó el su atual nombri oficial.

Ingalaterra á teniu mucha emportancia nel ambitu coltural i legal nel restu del mundu, huendu lugal d'origin de la luenga ingresa, la Elésia Anglicana i el Derechu ingrés, origin del derechu anglosajón que se gasta en albondu paisis alreol del globu. Amás, la Revolución Endustrial tuvu el su primel origin en Ingalaterra, primel país del mundu en endustrializá-se. Es séi de la Royal Society, ondi se sentarun las basis de la céncia esprimental moerna. Ingalaterra tien el sistema parlamentariu mas antíguu, i comu consecuencia, otras enovacionis constitucionalis, gubernamentalis i legalis originás en Ingalaterra án siu adatás por otros estaus albondu.

Es mu frecuenti el gastaeru erróneu d'Ingalaterra comu sinónimu de Gran Bretaña o del Réinu Uniu, ocion que puei resultal ofensiva pa escocesis, galisis, i norirlandesis.

Referencias[Edital | Editá'l códigu]

  1. http://webarchive.nationalarchives.gov.uk/20021202165044/http://www.statistics.gov.uk/CCI/nugget.asp?ID=6