Jian dui

Dendi Güiquipeya
Ir a la navegación Ir a la búsqueda
Canadian Aboriginal Syllabics Example.svg Nesta páhina se gasta una ortografia destinta a la que normalmenti se gasta ena Güiquipeya.
Jian dui.

Jian dui ( 煎堆, prenunciáu [t͡ɕi̯ɛn˥˥tu̯eɪ̯˥˥] ) es una aspeci bola jecha con jarina d'arrós glutinosu frita y cubierta de simientis de sésamu, típica ena coddina china. Endrentu de la bola se jorma un güecu por mé del enanchamientu de la puelmi. Esti güecu s'enfusa con un rellenu, comu puelmi de simienti de lotu (蓮蓉), puelmi duci de frijonis negrus (hei dousha, 黑豆沙) o tamién puelmi duci de frijonis coloráus (hong dousha, 紅豆沙). Con angunas variantis y con otrus nombris, tamién se conocin pa otrus paísis d'Asia. Tamién tienin otrus nombris pa otras partis de China, por ejempru matuan (麻糰) pal norti de China, mayuan (麻圆) pal norti-salienti de China, y zhendai (珍袋) en Hainan. Enos restaurantis chinus de paísis ocidentalis a las veddis se las llama de bolas de sésamu o nombris apaicíus. Essu pue lleval a que se las llami tamién en chinu de zhimaqiu (芝麻球) tradución literal de "bolas de sésamu" al chinu.

Origin[eital | eital coigu]

El jian dui recréi de los tiempus de la dinastía Tang comu comía de palaciu en Chang'an conocía comu lüdui (碌堆). Se lo mienta en una puesía del poeta de la dinastía Tang Wang Fanzhi. Aluegu d'emigral mucha genti pal sul de China dende China central, el jian dui s'envertió tamién en parti de la coddina del Sul de China.

Los Jian dui puen jaddelsi en muchus tamañus, tamién mu grandis

Variantis localis[eital | eital coigu]

Indonesia[eital | eital coigu]

Onde-onde indonesiu en un "Indo Toko" en Amsterdam enos Paísis Bajus

Ena coddina indonesia, de Sumatra a Bali, se los llama de onde-onde o kue onde, y s'enllena por drentu con puelmi enduzá de soja verdi. Un pratu apaicíu es el Klepon, que son bolas d'arrós con azuca de palma por drentu.

Japón[eital | eital coigu]

En Japón se los llama de goma dango (ごま団子). Se vendin en ferias, en barrius chinus y en angunus restaurantis.

Malasia[eital | eital coigu]

Se los llama de kuih bom y s'enllenan de cocu ralláu, nueddis, o puelmi de frijonis coloráus.

Filipinas[eital | eital coigu]

Buchi filipinu cubiertu d'azuca y enllenu por drentu de bukayo filipinu.

En Filipinas se los llama de butsi o buchi y son igualis que los que se jaddin en China, enque a las veddis s'enfusan con agredientis filipinus.

Vietnam[eital | eital coigu]

En Vietnam hay dos pratus mu apaicíus llamáus de bánh cam (from southern Vietnam) y bánh rán (del norti de Vietnam). Al Bánh rán se le poni essencia de frol de jasmín.

Puen sel ducis o saláus. Los ducis tienin por drentu puelmi enduzá de soja verdi comu los onde-onde indonesius. Los saláus puen lleval por drentu carni picá, fidéus de cassava, tortullus varius u otrus agredientis típicus de Vietnam.