Juhan Liiv

Esti artícalu no tien huentis ni referencias Los conteníus duosus debin sel corretamenti atijaus pa demuestral que no se trata de vestigacionis primarias.

Juhan Liiv
Enhormación pressonal
Nacencia	30 de abril de 1864 Alatskivi (Estónia)
Muerti	1 de diciembre de 1913 (49 años) Koosa (Estónia)
Causa de muerti	Neumonía
Sepoltura	Alatskivi
Nacionalidá	Rusa
Enhormación profissional
Oficiu	Poeta, pediorista, escrevienti y profesor

Juhan Liiv (Alatskivi, 30 d'abril d'1864 – Kavastu-Koosa, actual Luunja, Tartumaa, 1 de diðiembri de 1913) jue un pueta y escritol estoniu. Unta Kristjan Jaak Peterson, se puei consideral una las figuras más trágicas de la literatura estonia.

Biografía

Liiv tuvu nacencia en una familia mu probi nel puebrinu d'Alatskivi, Estonia. Pesi a la su probeða, sus pairis lo mandarun pa Tartu a estuyal periodismu. Una malotía física obrigó a Liiv a albandonal los estuyus y gorvel pa casa, andi escrebía puesía y angún artículu pal perioicu Olevik. La su puesía contrastaba muchu cona de los poetas coetanius, y pol tantu jue ignorá.

Relatus brevis

Liiv al final logró algu d'éxitu en 1894 cuandu el su primel relatu brevi, Vari (la Sombra) jue pubricáu. Era escuru y lúgubri, juendu un precedenti las sus juturas obras lo mesmu de prosa que de puesía.

Liiv escrebió más relatus, peru nengunu es tan famosu cumu Vari.

Malotía mental

Al pocu de belsi pubricáu Vari, Liiv se gorvió un pacienti ena crínica psiquiátrica en Tartu. Se le diagnosticó esquizofrenia. Enas sus crisis, creíba qu'era un hiju ilegítimu del Zal Alejandru II de Rusia y qu'era pol tantu rey de Polonia. La su lucha cona su malotía mental acontinó jata la su muerti.

Puesía

En 1909 Friedebert Tuglas se topó con Liiv. Un libru que contenía 495 puemas suyus jue pubricáu essi añu.

Muchus de los puemas de Liiv están caracteriðáus pol ciertu caraiti melancólicu y jata a veðis lúgubri, quiðiás pola su malotía mental y probeða, amás d'un estilu concisu. Los pocus puemas que nu están en essi tonu describin la naturalaleða y la querencia pola su tierra, Estonia. Tantu unus cumu otrus puemas muestran siempri una gran sensibiliá.

Muerti

Lápia Liiv.

Nel unu de diðiembri de 1913 Liiv jue jundeau d'un tren pol estal en él sin billeti. Diba pa Polonia ebíu a que pol me la su malotía mental creíba qu'era el rey. Antocis esmienzó a ajilal a pie pa casa. Pa cuandu llegó hiba estáu a temperaturas jelás duranti dos semanas y hiba entalláu un pelcuju fatal. Murió al pocu tiempu.

Atijus p'ahuera

• En Commons ai conteníu multimedia sobre Juhan Liiv.
• (extremeñu) Pueminas Liiv traduðíus al estremeñu
• (extremeñu) La billota literária: Mecánicamenti se muevi el pensaeru