Júpiti (praneta)

Júpiti

Júpiti (símbolu: ) es el quintu praneta el Sistema Solal. Holma parti de los denominaus pranetas esterioris o gaseosus. Alcibi el su nombri del dios romanu Júpiti (Zeus ena mitologia griega).

Es el praneta que muestra un mayol brillu a lo largu del año dependiendu de la su fasi. Es, amás, al atrás del Sol, el mayol cuerpu celesti del Sistema Solal, con una massa abati dos vezis i meya la de los otrus pranetas juntus (con una massa 318 vezis mayol que la de la Tierra i 3 vezis mayol que la de Saturnu).

Júpiti es un cuerpu masivu gaseosu, Holmau prencipalmenti por idrógenu i eliu, sin nuna superficii enteriol definia. Entri los detallis amosféricus se destacan la Gran pinta colorá, un enormi anticiclon assitiau enas latituis tropicalis del emisferiu sul, la estrutura de nuvis en bandas i zonas, i la huerti dinámica de vientus zonalis con velociais de hata 140 m/s (504 km/h). Se piensa que puei sel una "Estrella fallia" debiu a las sus grandis cantidais d'idrógenu i eliu.

El praneta tien albondu satélitis naturalis (ogañu án siu descubieltus 63) de los cualis destacan los satélitis galileanus, Io, Uropa, Ganímides i Calistu, llamaus assina por el su descubrimientu por Galileo Galilei en 1610.