Kashiwa Daisuke

Dendi Güiquipeya
Ir a la navegación Ir a la búsqueda

Kashiwa Daisuke es un compositol i músicu la eletrónica japonés.

Via[eital | eital coigu]

Kashiwa tuvu nacéncia en Hiroshima, Japón. Las sus primeras composicionis datan de la fecha estuyanti. Nel 2004 esmiença la su carrera con el nombri de Kashiwa Daisuke i bandea Alemaña al sotru añu.

El su primel trebaju discográficu sal nel 2006 con el nombri de April.#02, siguiénduli el discu remescla April.#07.

Al sotru añu hazi várias colaboracionis conos remesclaoris Olive Oil i Takeshi Nishimoto. Nessi mesmu añu espubrica el su segundu discu Program music I, con dos pistas, huendu una dellas la celebri Stella, cuyu lirismu i arregrus se hallan entri los mas bellus la eletrónica.

El su tercel discu, 5 Dec., que cuenta con dies pistas, s’espubricó en Hebreru 2009. El discu ahila pol nuevus horizontis, dehuyendu una mijina de los airis orientalis i delicaus los anterioris trebajus i acelcándusi a un son mas agressivu.

Discografia[eital | eital coigu]

Discus estuyu:

  • April.#02, 2006.
  • Program music I, 2007.
  • 5 Dec., 2009.

Remesclas:

  • Super Club, Notitle, 2006.
  • Kashiwa Daisuke: Deepblue, 2006.
  • Jean-Michel, Dast ist der Sommer, 2006.
  • The Peepshow Ownerz, 31 June, 2007.
  • Speaker Gain Teardrop, Colophon, 2008.
  • Piana, April, 2008.
  • No. 9, Clover classic, 2009.

Atijus[eital | eital coigu]