L'Agrijuela
![]() |
L'Agrijuela | ||
---|---|---|
Entidad subnacional | ||
![]() | ||
![]() Escudo | ||
![]() Ubicación de L'Agrijuela | ||
Coordenadas | 39°22′28″N 5°45′34″O / 39.3744638, -5.7595078 | |
Capital | Herguijuela | |
Entidad | Monicipiu d'España | |
• País |
![]() | |
Superficii | ||
• Total | 42 km² | |
Puebración (2023) | ||
• Total | 266 hab. | |
• Densidá | 6,33 hab/km² | |
Gentilíciu | Erguijueleñu[1] | |
Huso horario | UTC+01:00 | |
Código postal | 10230[2] | |
L'Agrijuela (Herguijuela en castellanu) es un monicípiu estremeñu dela provincia Caçris. Preteneci al Partiu Juicial de Trugillu.
Topónimu
[Edital | Editá'l códigu]Hata 1800 se la conocia comu Villa de la Calzada.[3] El topónimu d'Erguijuela paeci vinil del latín ecclesia, "elésia",[4] inque esta teoria á siu contrariá pol consideral algotrus autoris que provién del teónimu prerromanu Erge.[5]
Geografia
[Edital | Editá'l códigu]El télminu monicipal limita al norti con Mairoñera, al esti con Garciás, al sul con Conquista i al oesti con Santa Crús.[6]
Bañau polas áuguas del rio Alcollarín, el pueblu s'alcuentra entri las sierras del Marchas i las Paredes.[7] El terruñu es ondulau, destacandu el cerru Pedro Gómez, de 1.004 metrus d'altitú.[8]
El climi Erguijuela es típicamenti mediterrániu, con una temperatura meya de 17.3 °C i una pluviosiá anual meya de 746mm.[9]
Demografia
[Edital | Editá'l códigu]La pueblación d'Erguijuela hue creciendu a lo largu la su Estória, llegandu a tenel 1.608 abitantis. A partil de los añus 50, la emigración reuju el númiru de vizinus hata hazelu cuasi esapaecel. Ogañu, esti fenómenu se'á parau quietu i Erguijuela á güeltu a dil creciendu en pueblación a pocu a pocu.[10]
Volución demográfica de L'Agrijuela entri 2001 i 2006
| |||||
2001 | 2002 | 2003 | 2004 | 2005 | 2006
|
432 | 428 | 376 | 372 | 364 | 351 |
Estória
[Edital | Editá'l códigu]En 1594 hormaba parti la Tierra Trujillu ena Província de Trujillu.[11] A la caia el Antíguu Régimin, el pueblu se constituyi en monicípiu costitucional ena región de Estremaura, dende 1834 queó integrau nel Partiu Juicial de Logrosán.[12] Nel censu de 1842 contaba con 130 hogaris i 712 vizinus.[13]
Entri muchus otrus pressonajis, destacan los germanus Jiménez, vizinus el pueblu, que participarun ativamenti ena conquista de Méjicu. Amás, el tamién erguijueleñu Francisco Becerra hue el arquitetu ena costrución de la Catedral de Puebla (Méjicu), i de la de Lima i Cuscu en Perú, amás dotrus templus de Quitu (Equadol).[14]
Patrimoñu
[Edital | Editá'l códigu]De los sigrus XVI-XVII[15] es la elésia parroquial católica embaju la avocación de San Bartolomé Apóstu, nel Arciprestalgu de Logrosán de la Diócissi de Praséncia (Archidiócissi de Méria-Baajós)[16]
Política
[Edital | Editá'l códigu]Erguijuela está gobelnau pol PSOE de Extremadura. Lesmes Chamorro Barquilla es el alcaldi i, juntu con otras 4 pressonas, holman el grupu socialista del ayuntamientu.[17][18] El PP está repressentau pol dos concejalis.[18]
Referencias
[Edital | Editá'l códigu]- ↑ «Archive copy». Archivado desde el original el 8 de diciembre de 2009. Consultado el 22 de diciembre de 2009.
- ↑ Worldpostalcodes.org, código postal n.º 10230.
- ↑ «Archive copy». Archivado desde el original el 31 de diciembre de 2009. Consultado el 22 de diciembre de 2009.
- ↑ GONZÁLEZ SALGADO, J.A., Toponimia de la Comarca de Trujillo. Revista de Estudios Extremeños, Año 2009 Tomo LXV. Número II Mayo-Agosto
- ↑ CARIDAD ARIAS, J., Los fenómenos de homonimia y homofonía en la toponomástica y su repercusión en las etimologías cultistas y populares de la Europa Occidental. Universidad de La Laguna, 2004
- ↑ «Ayuntamiento de Herguijuela». Archivado desde el original el 11 de diciembre de 2009. Consultado el 22 de diciembre de 2009.
- ↑ Herguijuela, el sitio de los lagares
- ↑ «Archive copy». Archivado desde el original el 4 de marzo de 2016. Consultado el 22 de diciembre de 2009.
- ↑ «Ayuntamiento de Herguijuela». Archivado desde el original el 11 de diciembre de 2009. Consultado el 22 de diciembre de 2009.
- ↑ «Archive copy». Archivado desde el original el 31 de diciembre de 2009. Consultado el 22 de diciembre de 2009.
- ↑ Libro de los Millones: Censo de población de las provincias y partidos de la Corona de Castilla en el siglo XVI
- ↑ Cervantes Virtual [1]
- ↑ Municipio Código INE -10.092 [2]
- ↑ «Ayuntamientu d'Erguijuela». Archivado desde el original el 11 de diciembre de 2009. Consultado el 22 de diciembre de 2009.
- ↑ «Ayuntamiento de Herguijuela». Archivado desde el original el 11 de diciembre de 2009. Consultado el 22 de diciembre de 2009.
- ↑ LISTAR POR LOCALIDAD DE PARROQUIAS [3]
- ↑ Corporación Municipal: Lesmes Chamorro Barquilla.
- ↑ 18,0 18,1 «Ayto. Herguijuela». Archivado desde el original el 11 de diciembre de 2009. Consultado el 22 de diciembre de 2009.