Langostu
| |
| Otrus nombris: | Mangostu, amangostu, angostu, gañafoti, cañafoti, cañahoti, gafañoti, gafañotu, çagañoti, falfañoti |
| Destribución | |
| Destribución de Langostu | |
| Crassificación científica | |
| Autol | |
| - | |
| Estau de conservación | |
| Conservación deLangostu | |
Los langostus [la͂ŋˈɡoʰtʰʊʰ] o cañafotis [kaɲaˈɸotɪʰ] costitúin el subordin delos Caelifera que pretenecin al ordin delos ortópterus i se destacan por tenel las entenas más cortinas que'l restu de ortópterus. Son erbívorus i prejudicialis palos campus quandu son pragas, comu el casu dela langosta que pa finalis del XIX causó grandis esgalaçus en Trugillu i ena cuenca de Guadiana[1].
Sinonimia
El nombri común en estremeñu es el de langostu, enque enos puebrus del ponienti gastan cañafoti i variantis, palabra comparanti ala portuguesa gafanhoto.
Descrición
Los langostus se destacan por tenel un tarsu con tres cachus o menus, unas entenas cortas, tímpanus alos laus del bandul i un ovopositol cortu.
El tamañu, arreglu alas especiis i la edá, ván dendi el 1,5 cm ata los 10, acibiendu las especiis más grandis el nombri de cigarronis. Las hembras son más grandis que los machus.
Las patas las tienin apreparás pa pegal grandis saltus, assinque son largas i huertis. Delas alas que tienin, namás las traseras le premitin volal porque son bembranosas, puestu que las delanteras no son aparentis por sel coriacias.
Los coloris que tienin ván arreglu ala especii i el ambienti andi se crían, puyendu escamuflal-si facimienti entre la fusca, el ramagi, las ojas o el suelu sigún tengan colol pardu, terrizu o verdi.
Los uevinus ván cubiertus con una espuma que los tapa quandu la incubación, siendu las puestas entre 1000 i 10000 uevinus.
Referencias
- ↑ Torres-Vila L.M. et alii, "La sanidad vegetal en Extremadura en el siglo XIX", en Dioses, mitos y demonios: La agricoltura extremeña en el siglo XIX, Junta de Extremadura, 2009, pp. 97-114.