Langosta
| |
| Otrus nombris: | Langostu, cigarrón |
| Destribución | |
| Destribución de Langosta | |
| Crassificación científica | |
| Autol | |
| Thunberg, 1845 | |
| Estau de conservación | |
| Conservación deLangosta | |
La langosta [lãŋˈɡoʰtʰa] (nom. cient. Dociostaurus maroccanus) es el nombri más común pa mental la especii de langosta mediterrania, un insetu dela familia delos acrídidus. Enque normalmenti es un langostu solitariu, se destaca polas las pragas periódicas i el esgalaçu en el campu.
Sinonimia[Edital | Editá'l códigu]
Enque normalmenti quandu se vein en solitariu pol campu se llaman langostus, quandu se refieri específicamenti a ella i alos pobremas que causa ena tierras cautivás, le dizin langosta.
Descrición[Edital | Editá'l códigu]
Son comparantis alos langostus, conos que corrientimenti se confundin. La hembra es más larga i grandi que'l machu, ancançandu los ata los 38 mm, mientras que los machus siquiera rebassan los 28 mm.
Suelin crial-si en sitius llanus, con suelus de pocu canchu, normalmenti probis o d'eriazu. Las tierras aparentis pa crial-si las langostas se llaman tierras langosteras. En Estremaúra son los llanus de Trugillu-Caçris, las Vegas Baxas, la Campiña Sul i los llanus d'Alcántara.
La langosta tien tres etapas ena su vida, la de uevu, cocu o ninfa i la de adultu.
Comportamientu[Edital | Editá'l códigu]
La langosta se destaca polo que se llama muación de fasi, es dizil, que la su pobración se da arreglu al ambienti. La seca i l'abondancia de alimentu hazin que passin de sel insetus solitarius a ajuntal-si. En el tiempu en que s'ajuntan es el de mayol esgalaçu pal campu, no por arramplan conas tierras de cautivus que devora namás, sino pola albeliá de bandeal muchu terrenu destendiendu-si dun sitiu a otru sin embilmus.
En Estremaúra, se recuerdan con temol las grandis pragas de caberus del XIX (1875-1877) por Trugillu i Caçris i la cuenca de Guadiana[1].
Métodus contra las pragas[Edital | Editá'l códigu]
Tradicionalmenti en Estremaúra las pragas se cortavan con aperus del campu, cal viva, pólvora, hiziendu acerus, contrafuegus i mesmu soltandu a relva guarrus, gallinas i pavus.
Conos adelantus dela química i la maquinaria, prencipiarun a gastal-si métodus más dañinus contra la tierra, aqüíferus i otras especiis animalis i vegetalis comu las quemas con gasolina o lançallamas o la colocación de cevus envenenaus[2]. Estu hazía que s'arramplaran con grandis destensionis de tierra, mesmu de cereal comu de pastus, amenuyendu el suministrus de granu i provocandu escasseá entre'l ganau.