Leucocitu
Los leucocitus (del griegu λευκός [leukós] ‘blancu’, y κýτος [kytos] ‘bolsa’, d'ahí que tamién sean llamaus glóbulus blancus) son un conjuntu heterogéneu de células sanguíneas que son ejecutoras la respuesta inmunitaria, interviniendu asína en la defensa del organismu contra sustancias estrañas o agentis infeziosus (antígenus). S'originan en la médula ósea y en el tejíu linfáticu. Los leucocitus son producíus y derivaus d'unas células multipotencialis en la médula ósea, conocías comu células mairi hematopoyéticas. Los glóbulus blancus s'encuentran en toïtu el organismu, incluyendu la sangri y el tejíu linfoidi.[1]
Existin cincu[2] diferentis y diversus tipus de leucocitus, y varius d'ellus (incluyendu monocitus y neutrófilus) son fagocíticus. Estos tipus se distinguin por las sus características morfológicas y huncionalis.
El númeru de leucocitus en la sangri s'estila comu un indicador d'enfermedá. El recuentu normal de glóbulus blanuos fluctúa enti 4 y 11 x 109/L, y s'estila espresalsi comu 4000-11 000 glóbulus blancus por microlitru.[3] Conforman, aproximadamenti, el 1% del volumin sanguíneu total d'un adultu sanu.[4] Al aumentu del númeru de leucocitus por cima del límiti superior se le llama leucocitosis, y al decrecimientu por debaju del límiti inferior se le llama leucopenia.
Trastornus
[Edital | Editá'l códigu]Ai dos principalis categorías de trastornus qu'involucran glóbulus blancus: los trastornus proliferativus y las leucopenias.[5] En los trastornus proliferativus ai un aumentu en el númeru de leucocitus; esti aumentu es comúnmenti reactivu (por ejemplu, cuandu se debi a una infezión) peru pué sel cancruosu, tamién. En las leucopenias ai un decrementu en el númeru de leucocitus. Dambus trastornus son cuantitativus. S'á observau que los procesus apoptóticus en leucocitus puría estal relacionau con generación de radicalis libris en la mitocondria a partil d'un cambiu en la homeostasis del calciu intracelular.[6]Los trastornus cualitativus los glóbulus blancus entran en una categoría distinta; en éstus el númeru de leucocitus es normal, peru las células no huncionan adecuadamenti.[7]
Huentis
[Edital | Editá'l códigu]- ↑ Maton, D., Hopkins, J., McLaughlin, Ch. W., Johnson, S., Warner, M. Q., LaHart, D., & Wright, J. D., Deep V. Kulkarni. Human Biology and Health Ed. Prentice Hall (1997) Englewood Cliffs, New Jersey, US. ISBN = 0-13-981176-1}}
- ↑ LaFleur-Brooks, M. Exploring Medical Language: A Student-Directed Approach. 7th edición. Ed. Mosby Elsevier. St. Louis, Missouri, US (2008) Página 398. ISBN =978-0-323-04950-4
- ↑ http://www.cdc.gov/nchs/data/series/sr_11/sr11_247.pdf Vital and Health Statistics Series 11, No. 247 (03/2005)
- ↑ http://www.ncbi.nlm.nih.gov/books/bv.fcgi?highlight=leukocyte,functions&rid=mboc4.table.4143 Leukocyte functions and percentage breakdown. Edición cuarta. Molecular Biology of the Cell. Bruce Alberts, Alexander Johnson, Julian Lewis, Martin Raff, Keith Roberts, and Peter Walter (2002) ISBN 0-8153-4072-9
- ↑ Vinay Kumar et al.Robbins and Cotran pathologic basis of disease.(2010) Saunders/Elsevier. ISBN 1416031219
- ↑ Espino J, Bejarano I, Paredes SD, González D, Barriga C, Reiter RJ, Pariente JA, Rodríguez AB (January 2010). "Melatonin Counteracts Altrations in Oxidative Metabolism and Cell Viability Induced by Intracellular Calcium Overload in Human Leucocytes: Changes with Age". Basic & Clinical Pharmacology & Toxicology 107: 590-597. doi:[10.1111/j.1742-7843.2010.00546.x].
- ↑ Kenneth Kaushansky et al.Williams hematology(2010)McGraw-Hill Medical. ISBN 0071621512|edición=8th}}
Atijus
[Edital | Editá'l códigu]
En Commons ai conteníu multimedia sobre [[Commons:Category:
- property:P373|Leucocitu]].