Llanfairpwllgwyngyllgogerychwyrndrobwllllantysiliogogogoch

Estación de herrucarril en Llanfair PG.

Llanfairpwllgwyngyllgogerychwyrndrobwllllantysiliogogogoch es un puebru assitiau ena isla de Anglesey, nel Pais de Galis. Es el topónimu más grandi el Réinu Uniu i el trecel más largu el mundu.

En galés, el nombri el puebru senifica «la elésia Santa María nel güecu el avellanu brancu celca dun torbellinu rápiu i la elésia San Tisilu celca la gruta colorá».

Sin embalgu, el su nombri s'acorta a menú cumu Llanfair PG (Llanfairpwll pa los galesis). Estu basta pa destinguilu los otrus lugaris de Galis llamaus Llanfair.

El su nombri hue decidiu enos añus 1860 pol consehu el puebru, prencipalmenti pa tenel el priviléhiu e tenel el nombri más largu d'una estación herroviária en Gran Bretaña. Esti nombri no se puei consideral cumu un nombri galés propiamenti iziu, el nombri original del sítiu es Llanfair Pwllgwyngyll i reprehenta 16 letras nel alfabetu galés i 19 nel ingrés.