Los Pinos (Praséncia)
"Los Pinos" es un parqui ornitulóhicu assitiau ena localiá caçriña e Praséncia, ena Comuniá Autónuma d´Estremaura (España).
El parqui tiini una superfici dunus 54.000 m2 i un perímetru e 1.075 m, cuentandu con tres entrás:
- La puerta prencipal: assitiá en "Avenida de la Hispanidad".
- La puerta e serviciu: pola calli "Fuero".
- La puerta assitiá ena cimeria el parqui, que da a "Avenida de Extremadura".
Estória[Edital | Editá'l códigu]
El 16 d´abril de 1903 el Ayuntamientu Costitucional de Praséncia saca a subasta la obra e costrución dun pósitu d´auguas.
Tras angunus añus, el dia 27 d´otubri e 1918, se prantan piñonis i otrus arbustus nel terrenu assitiau unta el pósitu d'áuguas, peru nu sedrie hata el 16 de huliu e 1937 cuandu se creara el Parqui "Los Pinos" pola Comisión Hestora el Ayuntamientu e Praséncia.
Nel añu 1938 se costruyin el arcu d´entrá, las casas chiqueninas, los bancus enus canchus... i en 1991 s´amplia i moerniça el recintu i se declara el parqui cumu núcleu zolóhicu.
En 1992 se costruyi la puerta en "Avenida de Extremadura", i pol úrtimu, en 2004 se costruyi la puenti nueva en memoria el maestru Mirón.
Orariu[Edital | Editá'l códigu]
Endi el 1 d´abril hata el 31 d´otubri:
- De lunis a vienris abri a las 9:00 i afecha a las 21:00.
- Los sabaus i domingus abri a las 10:00 i afecha a las 21:00.
Endi finalis d´otubri hata el 1 d´abril:
- De lunis a vienris abri a las 9:00 i afecha a las 19:00.
- Los sabaus i domingus abri a las 10:00 i afecha a las 19:00.
Atihus[Edital | Editá'l códigu]
- Páhina el parqui Los Pinos (el ayuntamientu e Praséncia)