Luenga estónia
 Esti endilgui tien que sel güiquificau, pa adatá-lu alas convencionis d'estilu |
 Nesta página se gasta una ortografía destinta ala que normalmenti se gasta ena Güiquipedia. |
La luenga estonia (eesti keel) es una luenga finu-ugria palrá pol arreol de 1.100.000 presonas qu'ena su mayol parti vivin en Estonia.
L'estoniu nu está emparentáu con denguna las sus luengas veðinas, letón o lituanu, las cualas sonin luengas bálticas, sinu con el finés, palráu al otru láu el golfu 'e Finlandia, y tamién, anque mu lejanaenti, con el húngaru. Está tamién estrechaenti emparentáu con luengas veðinas con poquinus palrantis cumu el vepsu u el livoniu. Sin embalgu, a pesal de la crencia d'angunus, los dialectus del estoniu del norti nu sonin lo bastanti autáus al finés cumu pa premitil que s'entiendan ellus y ellus.
Una las caraiterísticas distintivas del estoniu, compartía namás con angunas de las luengas veðinas con poquinus palrantis almientás, es que los fonemas que gastan puein contal con tres diferentis gráus de cantiá u estensión: fonemas brevis, lalgus y supilalgus (nel casu d'angunas consonantis, se podría palral de geminás y supigeminás). La diferencia entri los fonemas lalgus y los supilalgus está lo mesmu ena su acentuación cumu ena su prolongación. Sin embalgu, nu se jaði distinción entri fonemas lalgus y supilalgus en estoniu escritu. Pol ejempru, lina quedría iðil "mantel", linna (prenunciáu con n geminá) sedría "del puebru" (genitivu de linn) y linna (prenunciáu con n supigeminá) sedría "al puebru" (ilativu de linn). Igualmenti, sada, con vocal brevi, quedría iðil "cien" y saada, con vocal lalga, sedría "consigui", "acibi" (imperativu), mentris que saada, con vocal supilalga, sedría "consiguil" u "acibil" (infinitivu).