Luenga veneciana
 Esti endilgui tien que sel güiquificau, pa adatá-lu alas convencionis d'estilu |
El venecianu es una luenga romanci palrá por unus sieti millonis de presonas, ena su mayol parti ena region de Véneto, en Itália, enque desistin minorias en Eslovénia, Croacia, sul de Brasil i ena Comuniá Chipilo, nel estau Puebla, Méjicu, assín comu en otras zonas d'esti estau i el país ondi an emigrau famílias provenientis de Chipilo.
Inque a vezis es referiu cumu un dialetu el italianu, no provien la idioma italiana, i el véneto posei la su propia morfologia, sintasis i lésicu.
Es palrau en deferentis varieais: los palrantis llaman venesian (ital. veneziano, est. venecianu) a la varieá palrá ena ciá e Venécia i gastan la parabra véneto pa referil-se a tola luenga, a pesal de la varieá.
El "véneto" hue reconociu oficialmenti cumu luenga el dia 28 marçu el 2007 pol Conseju Regional de Véneto al aprebal la lei e "tutela e valorizzazione della lingua e della cultura veneta" con el alcuerdu d'abati tolos partius de gobiernu i oposicion.
Las varieais mas emportantis son:
- véneto oriental (vénetu venecianu) palrau en Venécia i alreoris.
- véneto ociental (vénetu veronés) palrau en Verona i ena su província.
- véneto central (u centru-meriyonal) palrau enas prov. de Padua, Vicenza, i Rovigo
- véneto setentrional (u ven. feltrinu-belunés) palrau en Feltre i Belluno
- véneto trevisan palrau ena prov. Treviso i enfluenciau pol véneto setentrional i venecianu.
El restu varieais son palrás huera la Region.
Ejemplus de deferencias entri el venecianu i la idioma italiana
[Edital | Editá'l códigu]| Vèneto | Italiano | Estremeñu |
|---|---|---|
| ava | ape | abehita |
| carega | sedia | silla |
| braghése | pantaloni | pantalón |
| całe | via | calli |
| ciapar | cogliere | cohel |
| cavara | capra | cabra |
| caxa | casa | casa |
| rànzsego | acido | áziu |
| ocio | occhio | ohu |
| porzseło | maiale | cerdu |
| pón / pómo | mela | mançana |
| scoła | scuola | escuela |
| schirat | scoiattolo | ardilla |
| tor | prendere | tomal |
| sciop | fucile | fusil |
| àmia | zia | tia |
| uncuò | oggi | oi |
| subiar | fischiare | sirbal |
| serar | chiudere | afechal |
| vèrdar / vèrzar | aprire | abril |
Atihus esternus
[Edital | Editá'l códigu]- Etnologue sobri la luenga veneciana
- Dizsionario.org - Izionáriu e véneto i las sus varieais
- Manual Gramaticałe Xenerałe de ła Łéngua Vèneta e łe só Varianti - Gramática el véneto i las sus varieais (véneto i ingrés)