Malaria

Dendi Güiquipeya

La malaria (del italianu medieval «mal airi») o paludismu (de paludis, genitivu del términu latinu palus: ciénaga o pantanou y de -ismu, en esti casu ación o procesu patológicu) es una malotia producía por parásitus del géneru Plasmodium, y argunus estudius centíficus sugierin que pú havelsi transmitíu al sel umanu a través los gorilas ocidentalis.[1] Es la primera malotia d'importancia entri las malotias debilitantis. Entri 700 000 y 2 700 000 personas muerin al añu por causa de la malaria, de los cualis más del 75 % son niñus en zonas endémicas d'África.[2][3] Asimesmu, causa aproximadamenti entri 400 y 900 millonis casus de fiebri aguda al añu en la población infantil (menoris de cincu añus) en ichas zonas.[2] En mayu de 2007, l'Asamblea Mundial la Salú decidió conmemoral el 25 abril el Día Mundial del Paludismu.[4]

La malotia puei sel causá por una o por varias de las diferentis especis de Plasmodium: Plasmodium falciparum, Plasmodium vivax, Plasmodium malariae, Plasmodium ovale o Plasmodium knowlesi, las tres primeras de las cualis son las reportás en el continenti americanu. Los vectoris d'esta malotia son diversas especis del mosquitu del géneru Anopheles. Tan sólu las hembras d'esti mosquitu son las que s'alimentan de sangri pa puel madural los güevus; los machus no pican y no puein transmitil malotias, ya que únicamenti s'alimentan de néctaris y jugus vegetalis.

L'única forma posibli de contagiu directu entri umanus es que una persona embarazá lo transmita por vía placentaria al fetu, tamién es posibli la transmisión por transfusionis sanguíneas de donantis qu'án padecíu la malotia, o bien, pola transmisión directa a través de la picadura d'un mosquitu.

En regionis ondi la malaria es altamenti endémica, las personas s'infectan tan a menú que desarrollan la inmunidá adquiría, es izil, son portaoris más o menus asintomáticus del parásitu.

Cá añu se presentan 396 millonis de casus de paludismu. La mayor parti la carga de morbilidá se registra en el África, al sur del Sahara.[5]

El primer intentu d'una vacuna sintética contra la malaria hue realizau en 1997 pol equipu de Manuel Elkin Patarroyo; los resultaus huerun desigualis, alcanzandu comu máximu una eficacia del 28% en Sudamérica.[6] En 2010, la vacuna aparecía catalogada como «inactiva» por la [[Organización Mundial de la Salú].[7]

En agostu de 2013 s'anunció qu'una vacuna en estudiu en fasi I alcanzaba una eficacia d'un 100 %.[8]

Guípesi tamién[Edital | Editá'l códigu]

Huentis[Edital | Editá'l códigu]

Referéncias[Edital | Editá'l códigu]

Bibliografía[Edital | Editá'l códigu]

  • Rodríguez Ocaña E, Ballester Añón R, Perdiguero E, Medina Doménech RM, Molero Mesa J. (2003) La acción médico-social contra el paludismo en la España metropolitana y colonial del siglo XX. Madrid: Consejo Superior de Investigaciones Científicas.
  • Cueto, Marcos (2007). Cold war, deadly fevers: malaria eradication in Mexico, 1955-1975 / Marcos. Washington, D.C.: Woodrow Wilson Center Press; Baltimore: Johns Hopkins University Press, c2007.
  • Robbins y Cotran (2010). Patología Estructural y funcional. 8.ª Edición. Ed. Elsevier Saunders.
  • P.R Murray, K.S Rosenthal, M.A Pfaller (2009) Microbiología Médica. 6.ª Edición. Ed. Elsevier.

Atijus[Edital | Editá'l códigu]

  • En Commons ai conteníu multimedia sobre Malaria.
En español
En ingrés