Marcelo Rivas Mateos

Marcelo Rivas Mateos
Enhormación pressonal
Nacencia	16 de enero de 1875 ; Serradilla (España)
Muerti	26 de enero de 1931 (56 años); Madrid (España)
Nacionalidá	Española
Enhormación profissional
Oficiu	Botánico, catedrático, políticu y farmacéutico
Cargus acupaus	Deputau d'España
Empreaol	Universidad de Barcelona; Universidad Central ;
Abreviatura en botánica	Riv.Mateos
	[editar datos en Wikidata]

Marcelo Rivas Mateos (Serraílla 16 jeneru de 1875 - Mairil, 26 jeneru de 1931) hue un farmacéuticu, botánicu, geobotánicu, zoólagu, i prehessol estremeñu.

Biografía

Hue'l mayol de quatru ijus de José Rivas, farmacéuticu serraillanu. Estuyó el bachilleratu nel estitutu de Caçris; i ena Nuversidá de Mairil hizu los estuyus superioris, licenciándu-si en Farmacia en 1895.^[1]

En 1896 entra ala "Real Sociedad Española de Historia Natural" publicandu ena su revista, unas “Notas sobre la flora española”. Estuyó la geobotánica del norti estremeñu i en 1896 presentó la su tesi dotoral “Estudios preliminares para la flora de Cáceres”, con albondu citas, comu 2.326 especiis, muchas d'ellas hallás por primel ves ena su provincia.

Pa 1898, por oposición logra la cátedra de Mineralogía i Zoología aplicás ala Farmacia", ena Nuversidá de Santiago de Compostela, i en 1900 vai pala Nuversidá de Barcelona, ondi hue decanu dela Facultá en 1903. En 1904, passa ala cátedra omónima dela Nuversidá Central de Mairil.^[2]

En 1910 es deputau a Cortis pol Partíu Liberal, i pol distritu estremeñu de Coria, ata 1923.^[2]

En 1921 hue catedráticu de Botánica Descritiva ena nuversidá mairileña.