Melón bravíu

Dendi Güiquipeya
Melón bravíu (?)
 (Ecballium elaterium)
Melón bravíu
Otrus nombris: Melonzillus
Estau de conservación
Conselvación deMelón bravíu
Crassificación científica
Reinu
Plantae
Filu
Magnoliophyta
Crassi
Magnoliopsida
Ordin
Cucurbitales
Familia
Cucurbitaceae
Géneru
Ecballium
Especii
E. elaterium
Autol
A. Rich, 1854.

Los melonis bravíus [melo͂nɪ ɸɾaˈβ̞iʊʰ] (nom. Ecballium elaterium) es el nombri que acibi una pranta peneni dela familia delas cucurbitacias. Es la única especii del géneru Ecballium, destacandu-si por no tenel çarcillus.

Sinonimia[Edital | Editá'l códigu]

Esta pranta tamién se conoci con el nombri de melonzillus i calabacitas por causa del su frutu.

Descrición[Edital | Editá'l códigu]

Esta pranta tien tallus arrastronis, con ojas acoraçonás comparanti a un triángulu, enque cachúas, con dientis i pelúas. Las florinas son amarilluchas, mediu acampanás, de 2,5 cm de diametru o más o menus con cincu ojinas.

El frutu, polo que más se destaca, es de 4-5 cm de largu, recolganti por un peçón que se va hinchandu ata que la apressión lo estrumpi. Pol aujerinu salin las simientis disparás, puyendu cael ata tres metrus de largu. Quandu el frutu está maúru, revienta quanti quantis se rocea con algu.

La pranta es envenenosa, porque contién elaterina i cucurbitacina, sustancias tóssica d'ación purganti. El su consumu causa gastronteriti acompañá de morragias, puyendu en casu de mucha engesta trael la muerti. Enas preñás, es albortiva.