Melatonina
La melatonina o N-acetil-5-metoxitriptamina es una hormona encontrá en animalis, plantas, hongus y bacterias, así comu en argunas algas; en concentracionis que varían d'acuerdu al ciclu diurnu/nocturnu. La melatonina es sintetizá a partil del aminoacidu esencial triptófanu. Se produci, principalmenti, en la glándula pineal, y participa en una gran variedá de procesus celularis, neuroendocrinus y neurofisiológicus.
Una las características más sobresalienti respectu a la biosíntesis pineal e melatonina es la su variabilidá a lo largu del ciclu de 24 horas, y la su respuesta precisa a cambius en la iluminación ambiental. Por ellu, la melatonina se considera una neurohormona producía polos pinealocitus en la glándula pineal (localizá en el diencéfalu), la cual produci la hormona baju la influencia del núcleu supraquiasmáticu del hipotálamu, que recibe enhormación la retina acerca de los patronis diariis de lus y oscuridá.
La glándula pineal los humanus tié un pesu cercanu a los 150 miligramus y ocupa la depressión enti el colículu superior y la parti posterior del cuerpu callosu. A pesal la existencia de conexionis enti la glándula pineal y el cerebru, aquella se encuentra huera la barrera hematoencefálica; y está inervá principalmenti polos nervius simpáticus que procedin los ganglius cervicalis superioris.
En 1917 s'observó in vitro que estractus e glándula pineal producían un aclaramientu en el peyeju de sapu. A finales los 50, Lerner y colaboraoris aislun la hormona pineal a partil e pinealocitus bovinus y describun la su estructura química: 5-metoxi-N-acetiltriptamina (melatonina). Si bien duranti una hartá tiempu se consideró que la melatonina era de nacencia esclusivamenti cerebral, s'á demostrau la biosíntesis del metoxindol en otrus tejíus comu la retina, la glándula harderiana, el hígadu, el intestinu, los riñonis, las adrenalis, el timu, la glándula tiroidis, las células inmunis, el páncreas, los ovarius, el cuerpu carotídeu, la placenta y el endometriu.
En el Homo Sapiens se produci una síntesis constanti de melatonina que disminui abruptamenti hacia los 30 años d'edá. Endispués la pubertá se produci una calcificación llamá "arena cerebral", que recubri la glándula pineal, peru ésta sigui mandandu melatonina. Estudius recientis observan que la melatonina tié, enti otras huncionis (además la hipnoinductora), la de disminuil la oxidación; por estu, los déficits e melatonina casi siempri ván acompañaus los siguientis efectus psíquicus: insomniu y depressión, mientras que, en la metabolización, el déficit e melatonina paezería tenel por contraparti una paulatina aceleración del envejecimientu.
Existen alimentus que poseen precursoris la melatonina. Enti éstus los más comunis son: la avena, las cerezas, el maíz, el vinu tintu, los tomatis, las patatas, las nuecis, las ciruelas[1] y el arroz.
Los suplementus de melatonina se vendin sin receta y s'estilan pa tratal el insomniu y como alternativa a las benzodiazepinas.
Hunción
[Edital | Editá'l códigu]La disminución la secreción de melatonina acelera los procesus d'envejecimientu. El timu y la glándula pineal prencipian a envejecel a partil la pubertá. La melatonina atenúa el dañu celular por radicalis libris[2], estimula el sistema inmuni, protegi el sistema cardiovascular, estabiliza los ritmus biológicus del cuerpu[3] y estimula la produzión la hormona de crecimientu (GH). Un esperimentu comprobó que la melatonina aumentaba en un 20% la vida los ratonis (manqui puría sel debíu a factoris asociaus).
Huentis
[Edital | Editá'l códigu]Referéncias
[Edital | Editá'l códigu]- ↑ González-Flores D, Velardo B, Garrido M, González-Gómez D, Lozano M, Ayuso M.C, Barriga C, Paredes S.D, Rodríguez A.B. (2011). "Ingestion of Japanese plums (Prunus salicina Lindl. cv. Crimson Globe) increases the urinary 6-sulfatoxymelatonin and total antioxidant capacity levels in young, middle-aged and elderly humans: Nutritional and functional characterization of their content". Journal of Food and Nutrition Research 50(4): 229-236.
- ↑ Espino J, Bejarano I, Paredes SD, González D, Barriga C, Reiter RJ, Pariente JA, Rodríguez AB (January 2010). "Melatonin Counteracts Altrations in Oxidative Metabolism and Cell Viability Induced by Intracellular Calcium Overload in Human Leucocytes: Changes with Age". Basic & Clinical Pharmacology & Toxicology 107: 590-597. doi:[10.1111/j.1742-7843.2010.00546.x].
- ↑ González-Flores D, Gamero E, Garrido M, Ramírez R, Moreno D, Delgado J, Valdés E, Barriga C, Rodríguez A.B, Paredes S.D. (2012). "Urinary 6-sulfatoxymelatonin and total antioxidant capacity increase after the intake of a grape juice cv. Tempranillo stabilized with HHP". Food & Function 3: 34-39. doi:[10.1039/c1fo10146c].
Bibliografia
[Edital | Editá'l códigu]- Arendt J, Aldhous M, Wright J. Synchronisation of a disturbed sleep-wake cycle in a blind man by melatonin treatment. Lancet 4-2-1988;1(8588):772-773.
- Boutin J, Audinot V, Ferry G, Delagrange P (2005). "Molecular tools to study melatonin pathways and actions.". Trends Pharmacol Sci 26 (8): 412-9. PMID 15992934.
- Caniato R, Filippini R, Piovan A, Puricelli L, Borsarini A, Cappelletti E (2003). "Melatonin in plants.". Adv Exp Med Biol 527: 593-7. PMID 15206778.
- Dodick D, Capobianco D (2001). "Treatment and management of cluster headache.". Curr Pain Headache Rep 5 (1): 83 – 91. PMID 11252143.
Véasi tamién
[Edital | Editá'l códigu]- Insomniu
- Sueñu
- 5-Methoxytryptamina
- 6-Hydroxymelatonina
- Agomelatina
- Efectus en la salú pola esposición al sol
Atijus
[Edital | Editá'l códigu]
En Commons ai conteníu multimedia sobre Melatonina.- Melatonina y Depressión Forumclinic, web médica realizá por especialistas del Hospital Clínic e Barcelona
- http://www.nlm.nih.gov/medlineplus/spanish/druginfo/natural/patient-melatonin.html
- http://www.dsalud.com/numero83_5.htm
- web e libri azeso sobri Cronobiología en Español
- Melatonin entry in TiHKAL • info
