Mercedes Corominas
| Mercedes Corominas | ||
|---|---|---|
.jpg) | ||
| Enhormación pressonal | ||
| Nacencia |
1882 Barcelona (España) | |
| Muerti | 1926 | |
| Nacionalidá | Española | |
| Enhormación profissional | ||
| Oficiu | Piloto de aeronaves y aeronauta | |
Mercedes Corominas (Cataluña, 1882 - Brasil, 1926) hué una aviaora i aronauta española i una delas primel mugeris aviaoras d'España, conocía polas sus acrobacias en Portugal.
Biografía[Edital | Editá'l códigu]
La su nacencia hué en Barcelona (España),[1] nel 1882.[2] S'apreparó comu acróbata del circu i a escomiençus del siegru XX, trebajó nel Circu Calderón n'España. Nel 1904, cona edá de ventidós añus namás, hizu una subía aerea sin compaña en Barcelona, convertiendu-si ena primel mugel española en hazel una subía en grobu sin compaña.[2] Nel 1906 esmençó a hazel acrobacias aereas, recolgandu-si dun remeceru qu'andava recolgau embaxu dun grobu arostáticu. La sus primel esposicionis, col nombri de "Aerostatic Ascensions", hué en Portugal. Estas huerun un grandi déssitu i Corominas hizu acrobacias aereas en unas pocas ciáis portuguesas. Acontinó haziendu las sus acrobacias n'otrus lugaris d'Uropa.[1][3]En setiembri del 1909 hizu sotra subía sin compaña dendi la Praça de Torus de Santander, nun Grobu Montgolfier bautizau col su nombri. Un poquinu endispués hizu otras mas subías aparecías en puebracionis cántabras comu'l Escobedo, Gajano i Mogro.[4]
S'aconyugó con un artista de circu portugués, Francisco Pedro Monteiro, nel 1911. Essi mesmu añu, Corominas hizu acrobacias en Brasil i mentris andavan nel país, ressolvierun assental-si pallí i ala postri quajarun una compaña del circu.[3][5] Angunus añus endispués, quandu murió Mercedis, Franciscu dexó`l circu i hué a vivil ena ciá de Riu de Janeiru.[3]
Correúra profissional[Edital | Editá'l códigu]
Trebajó comu acróbata del circu n'España a escomiençus del siegru XX i endispués hizu esposicionis aereas nun grobu arostáticu recolgandu-si dun remeceru, con muchu déssitu por toa Uropa i Brasil. Nesti pais almericanu acontinó conas acrobacias i endispués quajó una compaña del circu col su ombri, aondi entrepetavan torás i albeliáis del circu.[3][5]
Referencias[Edital | Editá'l códigu]
- ↑ 1,0 1,1 «A tiros con el globo en Valadares». La Voz de Galicia. 1 de octubre de 2011. Consultado el 10 de marzo de 2023.
- ↑ 2,0 2,1 «Patentes Curiosas - Museo Virtual - Oficina Española de Patentes y Marcas». historico.oepm.es. Consultado el 10 de marzo de 2023.
- ↑ 3,0 3,1 3,2 3,3 Eventos, Bh. «Notícia: COM MAIS DE 100 ANOS DE TRADIÇÃO NO CIRCO, FAMÍLIA MONTEIRO VIRA TEMA DE VÍDEO». BH Eventos. Consultado el 10 de marzo de 2023.
- ↑ Bordas, David Lavín (15 de agosto de 2015). «Preaviación: 1ª Ascensión de una mujer en Santander (1909)». pioneros. Consultado el 16 de marzo de 2023.
- ↑ 5,0 5,1 «O Paiz (RJ) - 1910 a 1919 - DocReader Web». memoria.bn.br. Consultado el 10 de marzo de 2023.
| Control de autoridades |
|
|---|
Datos: Q28358075
Multimedia: Mercedes Corominas / Q28358075