Meridianu
 Nesta página se gasta una ortografía destinta ala que normalmenti se gasta ena Güiquipedia. |
Los Meridianus son los círculus maginarius mássimus que passan polos polus.
Entre los infinitus meridianus se destaca mas que na el meridianu del sitiu, qu'es el que passa pol puntu andi s'assitia l'osservaol. Supusiendu que l'osservaol está nel puntu "O", el meridianu es el Pn-O-PS-Pn.
Los polus partin esti meridianu en dos cachus, la metá que passa pol osservaol (Pn-O-Ps) se llama meridianu superiol, a la otra metá se la llama meridianu inferiol. Polo general, cuandu mentamus namás que "meridianu" mos referimus al meridianu superiol.
Primel meridianu: es el meridianu que se toma comu origin pa miíl las longitúis; hogañu es el Meridianu de Greenwich, mentáu assina por passal pol osservatoriu d'essa cidá inglesa. Con tó y con essu, es lo mesmu iddil "primel meridianu" que "meridianu de Greenwich".