Motacilla alba

Motacilla alba (chirivia)

Otrus nombris:	{{{algotrasdenominacionis}}}
Destribución

Crassificación científica
Reinu	Animalia
Filu	Cordata
Crassi	Avis
Ordin	Passeriformis
Familia	Motacillidae
Géneru	Motacilla
Especii	M. alba
Autol
Linnaeus, 1758.
Estau de conservación

La chirivia [ʧiɾiˈβia] (Motacilla alba) es un pajarinu chiquininu del ordin los Passeriformis ena família los Motacillidae. Mii entre 16 i 19 cm de longol i se caraiteriza pola su contina movicion la cola.

Pelitasqui

La sus prumas son grisácias pola parti cimera, negras nel papu i brancas ena parti bajera. La cara es branca i el piquinu dreitu, chicu i finu.

Abitaeru, portamientu i alimentacion

Esta espéci vivi en muchas partis d’Uropa, Ásia i norti d’África, puyendu premanecel en estus lugaris o migral p’África. Vivi en bamburrialis i sítius úmius i s’alimentan de bichinus qu’apesca nel vuelu o presiguiendu a frol de tierra.

Costrui los sus ñius en pequeñus recuéncanus i hiendas las parelis, escomençandu nel mes d’Abril la ñiá.

Subespéciis

Eno tocanti a las subespéciis, es duosu el su catálogu i essisti pocu envestigaeru sobri la genética.

Nombris popularis

Los nombris que recebi esta avi en estremeñu procein del árabi al-karawíyya. Los prencipalis son chirivín, chirivita, chichirivia, churuvia, chuchuruvia i algoyoria.