Muntadhar al-Zaidi

Dendi Güiquipeya
George W. Bush (a la gocha) se caquea del segundu los çapatus arrochaus pol al Zaidi. A la derecha, el primel menistru iraquín Nuri al-Maliki.

Muntadhar al-Zaidi (en árabi: منتظر الزيدي; latineau comu Muthathar, Muntadar, Muntazer u Muthathi - al Zaidi u al Zeidi) (Nasiriya, Iraq, 1979) es un periodista iraquín.[1]

El 14 Diziembri de 2008, Zaidi se hizu conociu mundialmenti pol hondeal conos sus çapatus, unu tras d'otru, i llamal de "perru" al presienti salienti los Estaus Unius, George W. Bush en una ruea prensa. Dambas dos aicionis son consierás los mayoris ensultus nel mundu musulmán.[2]. Esti periodista iraquín ya tuvu una atuación comparanti quandu tiró conas sus çapatillas deporti al Primel Menistru iraquín al-Maliki.[3]. El juíciu encomençó el 19 Hebreru de 2009 i en él, Al Zaidi, se negó a descurpalsi.[4] El 12 Marçu el 2009 se reabri el juíciu, aluspués dun descánsiu de tres semanas.[5] Al Zaidi iju nuevamenti qu'era inocenti, i hue condenau essi mesmu dia a tres añus de carci.[6] El 14 Setiembri 2009, un trebunal iraquín ordenó la su liberación pol güen comportamientu, enque se retrasó un dia pol mé la halta d'algunus decumentus.[7]. Al dia siguienti, el 15 Setiembri 2009, hue liberau, i acusó a los sus carcelerus de torturas várias.[8]

Pol mó destus acontecimientus, al-Zaidi es consierau un "éroi" la resisténcia iraquín a la envasión americana posteriol a la Guerra d'Iraq.[3]

Huentis[Edital | Editá'l códigu]

Atijus[Edital | Editá'l códigu]