Nuversidá de Güelva

Logu dela Nuversidá.

Facultá dela Mercé nel centru de Güelva.

La Nuversidá de Güelva es una estitución de enseñanza superiol pública, assitiá prencipalmenti ena ciá de Güelva, España. .Fue fundá el 1 de juñu de 1993 Tieni más de 11.251 alunos. La su atual retora es María Antonia Peña.

S'encuentra encruia nel campus de excelencia internacional.

Estória

Dependienti dela Nuversidá de Sevilla, diferentis entiais provincialei llevaban abondu tiempu recramandu una partición dendi añus atrás. En 1987 la Junta de Centru del Colegiu La Rábida ya abíe recramau la criación de facultais independientis pala ciá. Inque fue a dendi logo de 1988 quandu se desarrolló un potenti rebulliu local que recramó la criación duna entidá propria en Güelva. Estus landerus tuvun el su puntu cimeru el 3 de marçu, con un reholgeu general ena capital ampliamenti seguiu i una concentración final ena Plaça delas Monjas. En huliu se gestiona gastal el vieju Hospital de La Merced, aneju ala catedral comu espaciu pala futura nuversidá i se enrimó el conveniu pala criación delas dos primeritas facultais, nu en siendu ata dos añus endispués quando se enfirmó la tercera. Esse mesmu añu crió-se el "Patronatu Nuversitariu" con el vitu delas Enstitucionis i tantu la Deputación Provincial de Güelva, comu el Conceju de Güelva acordan en sus plenus solicital una nuversidá. El 12 de diciembre el Parlamentu d'Andaluzía aproba la tal solicitú reconociendu-se ya en mayu la futura criación pal añu 1992.

Finalmenti, con un añu de retrassu sobri los planis inicialis, se parti dela de Sevilla el 1 de huliu de 1993. El primel Presidenti dela Comisión Gestora fue Francisco Ruiz Berraquero. El su primel retol eletu fue Ramírez de Verger, siendo la atual rectora María Antonia Peña Guerrero.

Campus

Biblioteca nuversitária del Campus del Carmen.

La Nuversidá de Güelva encuentra-se subdividia en diferentis çonas o campus nuversitarius:

• La Merced. Antiguu conventu mercedariu del sigru XV i más recientementi hospital, colindanti ala catedral. Es el edificiu más céntricu.
• Cantero Cuadrado. Antañu Escuela de Magisterio dendi los años 60, que fue el germen dela nuversidá quando era dependienti dela Nuversidá de Sevilla. Hogañu funciona comu sedi administrativa.
• Campus Nuverswwitáriu del Carmen. Assitiau nel vieju quartel de infantería, que se basó ena recuperación delos barraconis militaris reconvertius en estalacionis educativas. Hogañu es el compleju más modernu i aúna ala mayoría de facultais dela nuverrsidá. El su Retorau encuentra-se nel edificiu del Campus de Cantero Cuadrado.
• Antigua Escuela Técnica Superiol de Ingeniería dela Rábida. Assitiá poco antis dela Rábida, prencipió la su estória con las Escuelas de Minas i Forestalis, a las que se fuerun uniendu endispués las Industrialis, Agrícolas i Informáticas. Nel campus assitia-se tamién el estituto de enseñança sedundaria Prof. Vicente Rodríguez Casado.

Centrus docentes

Biblioteca nuversitária del Campus del Carmen.

Las facultais i escuelas son las encarregás d'organizal la enseñança delos diferentis títulus qu'expidi la Nuversidá.

Alunus

Con 11251 alunus nel cursu 2017/2018, 816 profesoris, 37 titulacionis i 23 programas de dotoramentu enus últimos añus a incrementau de manera sustancial el númeru de alunau ERASMUS i no procedenti dela provincia.

Bibliografía

• MORALES GIL, Francisco José. Artículo "Una universidad para Huelva. La realidad y el deseo" en "La Merced. Cuatro siglos de historia". Consejería de Educación y Ciencia de la Junta de Andalucía y Vicerrectorado de los centros universitarios de Huelva de la Universidad de Sevilla. 1991.

Atihus pa fuera

• Facultad de Ciencias Empresariales de Huelva incluida en Economist School. Portal recopilatorio de las mejores escuelas económicas de España Prantilla:Wayback