Olivença

Olivença
Olivença
	Entidad subnacional
	;
; Bandera	; Escudo ;
	; Ubicación de Olivença
Coordenadas	38°41′09″N 7°06′03″O / 38.685744, -7.100731
Capital	Olivenza
Entidad	Monicipiu d'España
• País	España
Superficii
• Total	430 km²
Altol
• Media	327 m s. n. m.
Puebración (2023)
• Total	11776 hab.
• Densidá	27,39 hab/km²
Gentilíciu	Oliventinu/a
Huso horario	UTC+01:00
Código postal	06100
	Sitio web oficial
	[editar datos en Wikidata]

Olivença (Olivenza en castellanu i oficialmenti, Olivença en portugués) es una puebración española assitiá ena Província de Badajós, nel arrayu con Portugal. El territóriu d'Olivença s'alcuentra assitiau al esti de riu Guadiana, a 24 km al sul de Badajós. Tien horma triangulal, con dos de los sus vérticis tocandu riu Guadiana.

Portugal nu consiera a Olivença cumu parti el territóriu español, inque nu runcha e horma ativa la su posesión dendi el sigru XIX. Pola su parti, España consiera que se trata duna posesión legalmenti española en virtú del Tratau de Badahó (1801), que nu á siu nulau ni derogau. Sigún Purtugal, hue nulau i derogau pol Congresu de Viena (1815),^[2] firmau pol España en 1817.^[3]

Assitiamentu

Olivença s'alcuentra a 428 km de Mairil pola A-5 (E-90) i 274 km de Lisboa, pol Baajós-Elvas. Dendi Sevilla a Olivença, subiendu polas carreteras N-630 i N-432, ai 215 qm. La ciá d'Olivença está assitiá untal cruci las carreteras autunómicas EX-107 (Badahó-Villanueva el Fresnu) i EX-105 (Don Benitu-Purtugal). Desisti una puenti sobri riu Guadiana, unta l'antigua Puenti d'Ayua, que premiti prolongal la carretera autunómica EX-105 hata el arrayu con Purtugal. Esti pasu coneta Portugal i España 40 qm pol embahu la frontera e Caya, evitandu tenel que dal un rodeu pol Baajós.

Localiais

El monicípiu está compuestu pol cascu urbanu d'Olivença i seis aldeas i localiais más: San Francisco, San Rafael, Villarreal (Vila Real), Santo Domingo de Guzmán (São Domingos de Gusmão), San Benito de la Contienda (São Bento da Contenda) i San Jorge de Alor (São Jorge da Lor). Táliga, uguañoti un monicípiu endependienti, hue tamién una aldea u parróquia oliventina en tiempus purtuguesis i hata 1850.

Monumentus

Ciudadela Meyeval i Alcaçal
Élesia e Santa Maria el Castillu
Fachá de las Casas Consistorialis
Élesia Parroquial la Magdalena
Santa Casa de la Misericórdia
Conventu e Clarisas u San Huán de Dios
Hortificacionis abaluartás
Puerta el Calváriu

Castillu

El alcaçal u castillu d'Olivença entovia conserva las sus anchas murallas del sigru XIV, sin almenas. Las torris conservan los sus matacanis. La torri el omenahi, costruia pol mandatu de Huán II de Purtugal mii 36 m de lonhitú i 18 m de lau, i tiini tres pisus, de los que destaca la decoración del úrtimu. Se acei a ella pol diecisieti rampas con cubierta e bóvea.

La puerta d'Alconchel i la puerta los Ánhelis, están encuairás pol dos torreonis cercularis i presenta un vanu e meyu puntu aboveau; nu apaicin elementus decorativus. Está protehiu pol decretu de 22 d'Abril de 1949, i la Lei 16/1985 al tentu el Patrimoñu Estóricu Español. Afecha la ciaela meyeval las puertas del Duqui de Cadaval i la de San Sebastián, recostruia en 2006.

Uguañoti engloba i acohi el Museu Enugráficu González Santana, llamau asina en onol al su criaol. Acohi una helmosa recriación de deferentis ativiais la via ena comarca d'Olivença a primerus añus del sigru XX.

Helmanamientus

Olivença tiini alcuerdaus protocolus de helmanamientu colas siguientis ciais:

Leiria (Purtugal) (21-Húliu-1984)
Portalegre (Purtugal) (20-Mayu-1989)
Elvas (Purtugal) (20-Mayu-1990)
Cadaval (Purtugal) (13-Eneru-2007)
Vila Viçosa (Purtugal) (29-Abril-2007)

Presonahis ilustris

Guillermo Fernández Vara, Presienti la Hunta d'Estremaura endi el añu 2007.

Bibliugrafia

Ceuta, Melilla, Olivenza y Gibraltar. ¿Dónde acaba España?, de Máximo Cajal. ISBN 84-323-1138-3
La cuestión de Olivenza, de Fenández Liesa, Carlos. .ISBN 978-84-8456-189-7

Referéncias

↑ Worldpostalcodes.org, código postal n.º 06100.
↑ Endispués d'oyias las razonis purtuguesas, mu amprias i detallás, las poténcias uropeas, nel párrafu 105 del testu del tratau saliu del Congresu de Viena, consieran hustas las reclamacionis purtuguesas sobri Olivença (9 e Húniu)" [trauciu dendi el purtugués], en Carlos Luna, Nos Caminhos de Olivença, Estremoz, 1994, p. 26. Cópia el testu de Viena enas pp. 116-122.
↑ El dia 7 de Mayu, España acabiha firmandu el Tratau de 1815 [trauciu dendi el purtugués], en Carlos Luna, Op. cit.,, p. 26. Cópia el testu enas pp. 123-125.

Atijus

Páhina d'Olivença ena web la Diputación Provincial de Badahó.
Turismu en Olivença.
Comarca d'Olivença.
La CIA i Olivença.
Páhina al tentu el castillu d'Olivença]

[1] Worldpostalcodes.org, código postal n.º 06100.

[2] Endispués d'oyias las razonis purtuguesas, mu amprias i detallás, las poténcias uropeas, nel párrafu 105 del testu del tratau saliu del Congresu de Viena, consieran hustas las reclamacionis purtuguesas sobri Olivença (9 e Húniu)" [trauciu dendi el purtugués], en Carlos Luna, Nos Caminhos de Olivença, Estremoz, 1994, p. 26. Cópia el testu de Viena enas pp. 116-122.

[3] El dia 7 de Mayu, España acabiha firmandu el Tratau de 1815 [trauciu dendi el purtugués], en Carlos Luna, Op. cit.,, p. 26. Cópia el testu enas pp. 123-125.

[1]

[2]

[3]