Ordenaol

Dendi Güiquipeya
Avissu
Esti endilgui ebi sel revissau por un corretol.

Un ordenaol es una máquina digital que lei i realiça operazionis pa conveltilus en datus convenientus i útilis que posteriormenti se envían a las unidais de salia. Un ordenaol está hormau físicamenti pol numirosus circuitus integraus i muchus componentis de apoyu, extensión i acesorius, que en conjuntu puein ejecutal tareas divelsas con suma rapidez i baju el control dun programa (software).

Dus partis esencialis la constituyin, el hardware, que es su estrutura física (circuitus electrónicus, cablis, gabineti, teclau, etc), i el software, que es su parti intangibli (programas, datus, enhormación, señalis digitalis pa su gastu enternu, etc.).

Endi el puntu de vista huncional es una máquina que posei, al menus, una unidá central de procesamientu, una memoria prencipal i argún periféricu o dispositivu de entra i otru de salia. Los dispositivus de entra permitin el ingresu de datus, la CPU se encalga del su procesamientu (operacionis aritméticu-lógicas) i los dispositivus de salia los comunican a otrus meyus. Es así, que el ordenadol recibi datus, los procesa i emiti la enhormación resultanti, la que logu puei sel interpreta, almacena, transmitia a otra máquina o dispositivu o sencillamenti impresa; tou ellu a criteriu dun operadol o usuariu i baju el control dun programa.

El hechu de que sia programabli le posibilita realizal una gran divelsidá de tareas, estu la convielti nuna máquina de propósitus generalis (a diferencia, pol ejemplu, duna calculaora coyu únicu propósitu es calculal limitadamenti). Es asín que, sobri la basi de datus de entra, puei realizal operacionis i resolución de probremas enas más divelsas áreas del que hazel umanu (administrativas, científicas, de diseñu, ingeniería, medicina, comunicacionis, música, etc), inclusu muchas questionis que diretamenti nu serían resolublis o posiblis sin su entervención.

Si bien esta máquina puei sel de dus tipus, ordenaol analógicu o sistema digital, el primel tipu es gastau pa pocus i mu específicus propósitus; la más difundia, gasta i conocia es el ordenadol digital (de propósitus generalis); de güen modu que en términus generalis (inclusu popularis), quandu se palra del «ordenaol» se está refiriendu a un ordenaol digital. Amás ai de arquitetura mixta, llamas ordenaolis híbrius, siendu tamién estas de propósitus especialis.