Pórpura

Pórpura es el colol o coloracionis que se alcuentran entri el roxu i el azul, o más específicamenti es un colol magenta oscuru que se alcuentra entri el violeta i el carmesí. El términu provieni delos caracolis marinus tamién llamaus pórpuras i asin se denominaba tamién al colol produciu pola ossiación dela tinta de estus caracolis,​ (tinta mu aprecia endi la antigüeda) i a las telas teñias con ella.

En colorimetría hue definiu cumu el colol comprementariu delos que se precibin cumu consecuencia dela fotorrecepción duna lus cuya longol de onda dominanti midi entri 555 i 565 nm. Se trata dun colol estándal, es ezil que se alcuentra normaliçau en catálogus de coloris i inventarius cromáticus. La denominación de colol «pórpura» inclui al conhuntu delas coloracionis similaris al colol estándal, porpúreas. A la derecha se propolciona una amuestra del pórpura estándal.

Popularmenti, se gastan cumu sinónimus nombris cumu "morau, violeta, lila, malva, magenta o cárdenu". Sin embalgu, estas denominacionis tienin diferenti etimología, i anque tamién son coloracionis situas entri el roxu i el azul, ain desarrollau en general el su propiu significau específicu.