Pablo Iglesias Turrión

Pablo Iglesias Turrión (Mairil, 17 d'otubri de 1978) es un politólogu, prehessol, presentaol de televisión i expolíticu español.

Hue vicepresidenti segundu i menistru de Derechus Socialis i Agenda 2030 del Goviernu d'España entri 2020 i 2021. Hue segretariu general del partíu políticu Podemos dendi 2014 ata el 5 de mayu de 2021.^[1]

Dotol en Cencias Políticas pola Nuversidá Complutensi de Mairil, ondi tamién trebajó comu prehessol titulal interinu, hue unu delos hundaoris de Podemos en 2014, añu nel que hue elegíu deputau del Palramentu Uropeu. ^[2] Endespués á síu deputau nel Congressu español duranti la xi, xii, xiii i xiv legislaturas. Comu presentaol de televisión á dirigíu los pogramas Fort Apache (Hispan TV), La Tuerka i Otra vuelta de tuerka (Público TV).

Dimitió comu menistru i vicepresidenti del Goviernu pa sel candidatu enas elecionis autonómicas dela Comunidá de Mairil. Endespués delos malus resaltaus del su partíu enas mesmas, anunció el su abandonu dela atividá política.^[3]

Huentis

[1] Pablo Iglesias deja la política y dimite de todos sus cargos en Podemos - elEconomista.es

[2] Podemos se convierte en la sorpresa y logra cinco escaños en Estrasburgo, El País, 25 de mayu de 2014.

[3] Pablo Iglesias anuncia que abandona la política: "Dejo todos mis cargos" - El Mundo, 4 de mayu de 2021

[1]

[2]

[3]