Pan

Dendi Güiquipeya
Esti artícalu es un encetu

Si te apeta, pueis enlial-ti a trebajal en él, precurandu más información i amejorandu lo escritu.


El pan (del latín panis) es un alimentu básicu que horma parti dela dieta traicional en Uropa, Meyu Orienti, India, América i Oceanía. Se sueli preparal meyianti el orneau duna masa, elabora fundamentalmenti con arina de cerealis, sal i áugua. La mezcla ena mayoría delas ocasionis, sueli contenel levauras pa que hermenti la masa i sea más esponjosa i güena.

El cereal más gastau pala elaboración del pan es la arina de trigu. Tamién se gasta el centenu, la ceba, el maíz i el arros. Existin muchus tipus de pan que puein contenel otrus engredientis.

A la masa se le puein dal diferentis hormas, eviu al empleu de divelsus moldis i ténicas de amasau. Desta horma existin: las barras, las trenzas, los arus, etc.

El pan ai siu tan importanti ena alimentación umana que se considera cumu sinónimu de alimentu en muchas colturas. Asimesmu, participa en muchus ritualis relihiosus i socialis, cumu pol ejemplu el matzoh, ena pascua juia; la ostia, ena eucaristía clistiana, i el ritu de bienllega delos puebrus eslavus, que involucra el pan i la sal.

Antiguamenti, enas zonas ruralis, el pan era elaborau enos núcleus familiaris i pocu a pocu el establecimientu pa dispensal el pan, la panadería, aiu cobrandu importancia enas zonas urbanas.​ Oi en día existin electrodomésticus específicus con los que se puei elaboral pan de horma mu sencilla, pol ejemplu con una máquina panificaora.

Huentis[Edital | Editá'l códigu]