Papialvilla

Dendi Güiquipeya
Sartal a: Güiquipeandu, landeal
La papialvilla o patialvilla

La papialvilla [papi̯alˈβ̞iʎa] (norm. cient. Martes foina) es un animal carnívoru dela familia delos mustélidus de colol escuru i que se señala por tenel el papu i parti delas patas delanteras brancus.

Sinonimia[eital | eital coigu]

En estremeñu los nombris vienin tós del colol claru del pechu i patas, dixiendu papialvilla o papalvilla (lit. de papu brancu) o patialvilla o patalvilla (de patas brancas).

Esparramamientu[eital | eital coigu]

El animal esti abita tola Uropa continental, desquitandu Escandinavia i algunas islas mediterranias. Son corrientis en Estremaúra, enque se están despareciendu delas zonas de regueríu.

Espetu[eital | eital coigu]

Es un animal de pocu grandol, midiendu entre 40 i 50 cm, que la metá es rabu. Las hembras son mas chiquinas que los machus. Pesa entre 1,1 i 2,5 kg.

Tien un cuerpu alargau con un rabu tupíu. Las patas son cortinas pal grandol que tien, arrematás en cincu deus con garras huertis que no se incultan. Son pardus con una mancha clara que le da el nombri ena parti del papu, pechu i las patas delanteras.