Pisum sativum

Dendi Güiquipeya
Pisum sativum

L'arvilla (Pisum sativum) es una planta que se cautiva pala su producion debiu a la su semilla comestibli. La planta posei un sistema vegetativu pocu desarrollau enque con una rais pivotanti que tiendi a prohundizal bastanti. Las ojas están holmás por paris de foliolus terminaus en çarcillus. Las enflorescencias nacin arracimás en brácteas foliáceas que s'ensertan enas assilas de las ojas. Las semillas (arvillas) s'alcuentran en vainas d'entri 5 a 10 cm de largu que contienin entri 4 i 10 uniais.

S'án alcontrau restus fosilizaus d'arvillas en yacimientus arqueológicus del Próssimu Orienti que datan de hazi abati 10.000 añus. Las especiis cautivablis aparecierun relativamenti pocu endespues del trigu i la cevá, polo que se suponi que ya se cautivavan házia el 7800 e. C. En el 2000 e. C. el su cautivu se via destendiu por Uropa i házia el esti a la Índia, enque ata el sigru XVI namás se gastaba en granu secu o comu forraji. A partil d'essi momentu, escomençó a gastal-se tamien el granu limpiu.

Prantilla:Commons