Portugués oliventinu

Dialetus de Portugal.

El purtugués oliventinu es un sudialetu el portugués alentejanu palrau entovia enas localiais d'Olivença i Táliga, frutu de vel holmau parti de Portugal duranti albondus sigrus. Angañu s'alcuentra en vias d'estinción.

Caraitirísticas

Las caraitirísticas el portugués oliventinu son las mesmas que las del dialeutu alentejanu el portugués, inque con supistratu castillanu. A sabel:

• Asséncia el ditongu ei (tamién quandu alatrás va otra vocal), que se prenúncia e.
• Paragohi en parabras acabihás en -l u -r, quandu la sílaba es tónica i alatrás va pausa u otra sílaba tónica: Portugáli, comêri.

Dessapaición

Olivença i Táliga sufrin un prohessu pogressivu de castellanización, razón pola qual la luenga española á sustituiu a la luenga purtuguesa. La comarca oliventina hue, hata la décaa los 40, de mayoria lusupalranti. Sin embargu, la generación dela epoca esmiençó a deprendel a los sus ihus a palral en castellanu.

Ascomiençus el sigru XXI, el portugués oliventinu á desapaiciu práticamenti (los zagalis nu lo palran dendi los 50). El purtugués s'estuya ena escuela, peru cumu luenga foriata, i solu lo palran presonas cuya nacéncia hue enantis los añus 50; inque ai angunus zagalis que lo án deprendiu cumu segunda luenga.

Biblografia

• Maria de Fátima de Rezende F. Matias: "Bilinguismo e níveis sociolinguísticos numa região luso-espanhola (concelhos de Alandroal, Campo Maior, Elvas e Olivença), Revista portuguesa de filologia, XVIII, 1980-1986.
• Manuel Jesus Sánchez Fernández: "Apontamento para descrever o espanhol que se fala em Olivenza", Agália, 61, 2000, pp. 105-119.
• Manuel Jesús Sánchez Fernández: "O português raiano. Exemplo: o de Olivença", eds. Jordi F. Fernández y Gorka Redondo, Llengües ignorades, Vic / Terrassa, 2006, pp. 67-83.

Atijus p'ahuera

• Além Guadiana (cultura portuguesa em Olivença)
• J'nela do português oliventino
• Falar alentejano e oliventino