Riu Moscova

Dendi Güiquipeya
Ir a la navegación Ir a la búsqueda
Riu Moscova nel su passu por Moscú

El riu Moscova es un riu afluenti del riu Oká ena parti uropea de Rúsia. Tieni una longitú de 502 km i la su cuenca drena una superficii de 17600 km².

Alministrativamente, el riu discurri por el óblast de Moscú i el óblast de Smolensk de Rúsia.

Toponimia[eital | eital coigu]

Mapa en rusu del riu Moscova (Москва)

El veneru del nombri Moskvá es desconociu inqui se tienin algunas teorias. Una izi que vieni del finés antiguu i quieri izil "lugar pantanosu o aguas prietas".[1] Otra possibiliá es que venga del mordviano i quepa "riu-ossu". Pareciu al su segnificau es nel idioma mari onde moská denota a "ossu",[2]mentris la palabra ava aplica a "mairi".[3]

Recorríu[eital | eital coigu]

El riu, que pertenenci ala cuenca hidrográfica del riu Volga, tieni el su veneru enus montis de Smolensk, a 311 msnm, i fluyi a través de los óblasts de Smolensk i Moscú, onde atraviessa la capital de Moscú, para abocal nel río Oká.

El riu atraviessa la ciá de Moscú (ala que da su nombri) en sentiu NO - SE, jormandu nel su recorríu abondus meandrus. Angunas islas se encuentran nel su caminu, comu la isla del Kremlin. Las orillas del riu están arroeás de abondus parquis enteressantis (como por exemplu el Parqui Gorki). En uno delos sus meandrus se encuentra el Estadio Olímpico Luzhnikí, sedi delos Juegus Olímpicos de Moscú 1980. 120 km al sudesti dela metrópoli aboca este riu nel Oká, cerca dela ciudá de Kolomna.

Huentis[eital | eital coigu]

  1. https://web.archive.org/web/20110917074318/http://bridgetomoscow.com/curious-fact-the-meaning-of-the-name-moscow
  2. http://marlamuter.org/muter/10_%D1%82%D0%BE%D0%BC%D0%B0%D0%BD/%D0%BC%D0%B0%D1%81%D0%BA%D0%B0
  3. http://marlamuter.org/muter/10_%D1%82%D0%BE%D0%BC%D0%B0%D0%BD/%D0%B0%D0%B2%D0%B0