Rola

Dendi Güiquipeya
Una rola aposá

La rola [ˈrola] (nom. cient. Streptopelia decaocto) es un'avi dela familia delas colúmbidas que más s'á destendíu en el sigru XX por toa Uropa. Comparantis conas palomas, peru más garetas i finas, se destacan pol colol ceniza más o menus huerti i el collal al pescueçu de destintu colol que la pruma.

Sinonimia[Edital | Editá'l códigu]

Las rolas tamién se llaman rulas i mesmu tórtolas.

Esparramamientu[Edital | Editá'l códigu]

Alo primeru, esta avi vivía enas partis templás del esti d'Uropa, Asia ata llegal al Japón. Sin embargu, alo largu del sigru XX s'á destendíu por toa Uropa, llegandu ata Escandinavia i el Árticu. Ena península Ibérica començó a assental-si palos añus 60, peru comu son avis mu sociablis i de buena adatación, denseguía se multiplicarun.

Morfología[Edital | Editá'l códigu]

Midin unus 30-32 cm, con prumas que ván del pardu claru al cenizu o brancu. Tien un collal escuru nel pescueçu.

Comportamientu[Edital | Editá'l códigu]

Se vein en sitius urbanus en jardinis, techus, entenas i árvolis. El níu lo apreparan con raminas i fusca en árvolis, tuviendu ata cincu posturas por añu de dos uevus. Los boqueronis son alimentaus delos pairis duranti las dos-tres semanas primeras de vía, tras las que prencipian a comel solus.