Tabras de Daimiel
El parqui nacional de Las Tabras de Daimiel (oficialmenti en castillanu: Las Tablas de Daimiel) es un parqui nacional assitiau nel términu monicipal de Daimiel i una pequeña parti e Villarubia de los Ojos, ena província e Ciá Rial, Castilla-La Mancha (España).
Estória i caraterísticas
[Edital | Editá'l códigu]
Decrarau Parqui Nacional en 1973, Las Tabras son el úrtimu representanti dun ecosistema llamau tabras fluvialis, hormás polas crecias los rius enos sus tramus meyus, favorecius pol fenómenus de semiendorreismu i pola farta e desnivelis.
La superfici el parqui es de 1.928 etárias. Cuenta con unus umealis hormaus a partil de la confluencia el Guadiana i el su afluenti Cigüela, i es unu los ecosistemas acuáticus mas emportantis d'España ebiu a la fauna i frora qu´abitan en ella. Tamién es emportanti pol el gran númeru d'avis migratorias que pasan pola zona, cumu los ánais i los ánsaris.
Las Tabras de Daimiel puein consieralsi, endrentu duna crasificación idrulóhica-estrutural de los umealis, cumu un "idrumeal de recargación"; en toria, con disposición plurianual d´augua superficial, que recarga costantimenti el acuíferu infrayacenti. Inque enus tiempus atualis, a vezis se paci mas a un "igrumeal", de recargación temporal.
Fauna i frora
[Edital | Editá'l códigu]Ena fauna migraora sobresali la garza imperial huntu cola garceta, la gurulla, el martineti, el avetoru, el patu colorau, el patu cuchara, el ánai silboni i el rabudu, la cerceta, el alcotanti, el azulón, la cibueñuela, el buitrón, el bigotú, etc.
Ena fauna seentaria cabi cital al cangrehu e riu, que hue antañu mu abundanti i emportanti huenti d'ingresus palas familias de Daimiel, oi casi estinguiu pol estas auguas. Tras la introución nellas el gran predaol que es el luciu, el barbu i la carpa s'alcuentran tamién en peligru. Merecin mención igualmenti el aguiluchu laguneru, la focha, la polla d´augua, el ánai rial i el frisu, el martín pescaol i, inclusu, la liebri i el habalí.
En cuantu a la frora, los dos aspetus mss sobresalientis son los densus marhalis de carrizu, cuya profileración huera favorecia polas auguas del Guadiana, i la rica vehetación palustri que costituyi la pasiega, especi vivificá polas auguas el Cigüela.
Atihus
[Edital | Editá'l códigu]- Las Tabras ena páhina web el Ministériu e Meyu Ambienti
- Diariu e las Tabras de Daimiel. Enhormación diária al tentu el estau desti espaciu natural manchegu
- Guia e vesitas a las Tabras de Daimiel (Páhina comercial)
Notícias al tentu Las Tabras
[Edital | Editá'l códigu]- "La sequía y los pozos ilegales agostan las Tablas de Daimiel" (Rafael Méndez, El País, 20 e Hebreru e 2006)
- "La sobreexplotación de las aguas subterráneas acaba con Las Tablas de Daimiel" (César-Javier Palacios, Blogs 20 Minutos, 7 e Húliu e 2006)